کوکر ناگ میں ریچھ کے حملے میں شہری زخمی

سرینگر//
جنوبی کشمیر کے کوکرناگ علاقے میں ریچھ کے حملے میںایک شخص زخمی ہوا ہے
اس واقعے کی وجہ سے علاقے میں سخت خوف و ہراس پھیل گیا ہے ۔
جنوبی کشمیر کے اننت ناگ ضلع کوکرناگ کے گاڈول گاؤں میں ایک ۴۷ سالہ شخص کو ریچھ کے حملے کے بعد اسپتال میں داخل کرایا گیا۔
منظور احمد ولد ثناء اللہ نائیکو ساکن اہلن گڈول پر کالے ریچھ نے حملہ کیا اور زخمی حالت میں چھوڑ دیا۔جس کے بعداسے علاج کیلئے ایس ڈی ایچ کوکرناگ منتقل کیا گیا۔
ادھر اس واقعے کی وجہ سے علاقے میں سخت خوف و ہراس پھیل گیا ہے اور لوگ اپنے گھروں میں سہم کے رہ گئے ہیں۔
محکمہ وائلڈ لائف کی ٹیم جائے موقع پر پہنچ گئی ہے اور ریچھ کو پکڑنے کیلئے کارروائی شروع کردی گئی ہے ۔