جموں کشمیر میں دہشت گردی اب ختم ہونے کے دہانے پر پہنچ:دلباغ

سرینگر//
جموں کشمیر پولیس کے سربراہ‘ دلباغ سنگھ نے کہا ہے کہ پولیس نے فوج اور دیگر سیکورٹی فورسز کے ساتھ مل کر یو ٹی میں پاکستان کی سر پرستی میں چلنے والی دہشت گردی کی کمر توڑنے میںکا فی حد تک کامیابی حاصل کی ہے۔
پولیس یاد گاری دن کے موقع پردلباغ نے ایک مضموں میں لکھا ہے کہ ڈیوٹی کے دوران پولیس اہلکاروں کی انمول قربانیاںیہاں معمول زندگی بحال کرنے کی باعث بن گئی ہیں۔’’ جموں کشمیر میں دہشت گردی اب ختم ہونے کے دہانے پر پہنچ چکی ہے‘‘۔
پولیس سربراہ نے لکھا ہے کہ ۱۹۸۹ء سے لیکر اب تک دہشت گردی کیخلاف لڑائی میں۱۶۰۴پولیس اہلکاروں نے ملک کی خو دمختاری، اتحاد اور سالمیت کی حفاظت کیلئے اپنی جانیں قربان کیں۔
دلباغ رقم طراز ہیں’’جموں کشمیر پولیس کے افسران اور جوانوں نے بغیر کسی خوف کے گولیوں، دستی بموں، اور دیگر کئی خطر ناک ہتھیاروں کا سامنا کیا۔ جن دہشت گردوں کو پاکستان نے بھارت سے جموں و کشمیر چھیننے کے لیے بھیجا تھا وہ قبروں تک پہنچ گئے۔ یہاں تک کہ ان کی لاشوں کو بھی ان کے آقائوں نے لینے سے انکار کیا ‘‘۔
پولیس سربراہ نے مضمون میں مزید لکھا ہے ’’ مجھے یقین ہے کہ بہت جلد ہم جموں و کشمیر کی سر زمین سے دہشت گردی کے باقیات کو ختم کر دیں گے۔تشددکی سطح میںبتدریج کمی کے ساتھ جموں و کشمیر میںعام آدمی پہلے ہی راحت کی سانس لے رہا ہے۔‘‘