ایم ڈی اور سی اِی او جے اینڈ کے بینک کی لیفٹیننٹ گورنر سے ملاقات

سرینگر//
جموںوکشمیر بینک کے منیجنگ ڈائریکٹر او رچیف ایگزیکٹیو آفیسر بلدیو پرکاش نے آج یہاں راج بھو ن میں لیفٹیننٹ گورنر منوج سِنہا سے ملاقات کی۔
بلدیو پرکاش نے لیفٹیننٹ گورنر کو لوگوں تک فراہم کی جانے والی مالی خدمات اور جموںوکشمیر یوٹی میں زیادہ سے زیادہ مالی شمولیت کیلئے بینک کی طرف سے کی جارہی کوششوں کے بارے میں آگاہ کیا۔
لیفٹیننٹ گورنر نے ایم ڈی اور سی اِی او کو ہدایت دی کہ وہ ڈیجیٹل مالیاتی خدمات تک رَسائی کو وسعت دیں اور مالی شمولیت پر توجہ مرکوز کریں جو آمدنی کے فرق کو پُر کرنے او رمشترکہ خوشحالی کو فروغ دینے کے لئے کلیدی معاون ہے ۔
سنہانے جاری سکیموں سے نوجوانوں ، کسانوں او رخواتین کے لئے سپورٹ او رمالی مدد پر زو ردیا۔