جموں//
جموں کی ٹاڈا عدالت میں روبیہ سعید اغوا کاری کیس کی شنوائی کے دوران محمد یاسین ملک ورچیولی پیش ہوئے ۔
جج نے اس کیس کی اگلی شنوائی کی تاریخ۲۴نومبر کو مقرر کی۔
سی بی آئی کی وکیل مونیکا کوہلی نے جموں میں نامہ نگاروں سے بات چیت کے دوران بتایا کہ روبیہ سعید اغوا کاری کیس کی شنوائی جمعرات کے روز جموں کے ٹاڈا عدالت میں ہوئی جس دوران یاسین ملک ورچول موڑ کے ذریعے حاضر رہے ۔
کوہلی نے بتایا کہ روبیہ سعید کیس کے سلسلے میں یاسین ملک کو پروڈکشن وارنٹ کے مطابق عدالت میں پیش کیاجانا تھا لیکن مرکزی وزار ت داخلہ کی جانب سے یاسین ملک کی نقل و حرکت پر پابندی کے حکم کی وجہ سے اُنہیں پیش نہیں کیا سکا۔
وکیل نے کہا کہ روبیہ سعید نے بھی استثنیٰ کی درخواست عدالت مجاز میں دائر کی جس سے جج موصوف نے منظور کیا اس لئے وہ بھی آج کی پیشی کی دوران عدالت میں پیش نہیں ہوئیں۔
کوہلی نے بتایا کہ ٹاڈا عدالت نے اس کیس کی اگلی شنوائی کی تاریخ۲۴نومبر کو مقرر کی ہے ۔
بتادیں کہ محمد یاسین ملک اس وقت تہاڑ جیل میں عمر قید کی سزا کاٹ رہے ہیں۔