سرینگر//
سابق وزیر اور بی جے پی لیڈر سنیل شرما نے بدھ کو کہا کہ بی جے پی جموں کشمیر میں اپنے بل بوتے پر اگلی حکومت بنائے گی اور وہ کسی بھی وقت انتخابات کیلئے تیار ہے۔
ڈورو میں صحافیوں سے بات کرتے ہوئے شرما نے کہا کہ بی جے پی جموں و کشمیر میں انتخابات کیلئے تیار ہے اور جس طرح سے الیکشن کمیشن آف انڈیا تیاری کر رہا ہے،انہوں نے کہا’’ہمیں امید ہے کہ یہاں جلد ہی انتخابات ہوں گے‘‘۔
شرما نے کہا ’’بی جے پی کو جموں و کشمیر کے لوگوں کی طرف سے جو حمایت مل رہی ہے۔ اس بات کا اشارہ ہے کہ بی جے پی جموں و کشمیر میں اپنے طور پر اگلی حکومت بنائے گی‘‘۔
بی جے پی لیڈر نے یہ بھی کہا کہ مرکزی وزراء کے جموں و کشمیر کے دورے معمول کے ہیں اور ان کا جموں و کشمیر میں انتخابات کے انعقاد سے کوئی تعلق نہیں ہے۔