’جموں کشمیر میںجلدازجلد انتخابات کرائے جائیں‘

سرینگر//
کانگریس کے سینئر لیڈر اور سابق صدر ریاست‘ ڈاکٹر کرن سنگھ نے پیر کے وز کہاکہ جموں وکشمیر میں جلداز جلد اسمبلی الیکشن کرائے جانے چاہئے کیونکہ چناؤ کے بغیر جمہوریت کو یقینی نہیں بنایا جاسکتا ۔
سابق صدر ریاست کے مطابق غیر مقامی ووٹروں کے اندراج کے حوالے سے صورتحال ابھی تک واضح نہیں ہوئی ہے ۔
ان باتوں کا اظہار ڈاکٹر کرن سنگھ نے سرینگر میں نامہ نگاروں سے بات چیت کے دوران کیا۔
ڈاکٹر سنگھ نے کہاکہ جموں وکشمیر میں اسمبلی چناؤ کی خاطر اب سرکار کو فیصلہ لینا چاہئے کیونکہ الیکشن کے بارے جمہوریت کو یقینی نہیں بنایا جاسکتا ہے ۔اُن کے مطابق افواہیں گردش کر رہی ہیں کہ اگلے سال مارچ یا اپریل میں اسمبلی چناو ہوسکتے ہیں لیکن سرکار نے اس کی تصدیق نہیں کی۔
کانگریسی لیڈر نے کہا کہ کانگریس سمیت جموں وکشمیر کی سبھی سیاسی پارٹیاں جلدا زجلد الیکشن کرانے کے حق میں ہیں لہذا حکومت کو بھی اس حوالے سے اب فیصلہ لینا چاہئے ۔
غیر مقامی ووٹروں کے اندراج کے بارے میں پوچھے گئے سوال کے جواب میں ڈاکٹر سنگھ نے کہا کہ ابھی تک صورتحال واضح طور پر سامنے نہیں آئی ہے ۔
سابق صدر ریاست نے کہاکہ جموں کشمیر میں ہر سو تعمیر وترقی کا فقدان ہے ، لوگوں کو بنیادی سہولیات کے حوالے سے دقتوں کا سامنا کرناپڑرہا ہے ۔اُن کے مطابق حکومت سب کچھ ٹھیک ہونے کا تو دعوے کر رہی ہے لیکن زمینی صورتحال اس کے برعکس ہے ۔
ڈاکٹر سنگھ نے کہاکہ جھیل ڈل اس بار صاف نظر آرہا ہے اور میں اس پر خوش ہوں ۔
بتادیں کہ کرن سنگھ نے سرینگر کے پی سی سی ہیڈ کواٹر میں صدارتی انتخابات کیلئے اپنے ووٹ کا استعمال کیا۔