سرینگر //
سٹیٹ الیکشن کمشنر‘ کے کے شرما نے آج کپواڑہ اور بانڈی پورہ اَضلاع میں خالی ڈسٹرکٹ ڈیولپمنٹ کونسل ( ڈی ڈی سی ) نشستوں پر دوبارہ پولنگ کرنے کے سلسلے میں ایک میٹنگ منعقد کی۔
میٹنگ میں صوبائی کمشنر کشمیر پانڈورانگ کے پولے ، ڈپٹی اِنسپکٹر جنرل آف پولیس شمالی کشمیر رینج ، بانڈی پورہ ، کپواڑہ او راودھمپور کے ضلع ترقیاتی کمشنران ، سیکرٹری سٹیٹ الیکشن کمیشن ، ریلیف اور باز آباد کاری کمشنر مائیگرنٹس ،کپواڑہ اور بانڈی پورہ کے ایس ایس پیز ، منیجنگ ڈائریکٹر جے کے آر ٹی سی ، ڈپٹی کمشنروں ، ڈی اِی او جموں اور دیگر سینئر اَفسران نے ذاتی طور پر اور بذریعہ ورچیول موڈ شرکت کی۔
میٹنگ میں اِن خالی ڈی ڈی سی نشستوں پر دوبارہ پولنگ کے احسن اِنعقاد کیلئے اُٹھائے جانے والے اقدامات پر تفصیلی تبادلہ خیال کیا گیاجس کیلئے مذکورہ دونوں حلقوں میں سے ہر ایک میں کچھ اُمیدواروں کی نااہلی کی وجہ سے الیکشن کو منسوخ کیا گیا تھا۔
میٹنگ میں ٹرانسپورٹ پلان ، کمیونکیشن او رسیکورٹی پلان ، پولنگ سٹیشنوں کی فہرست بشمول جموں او راودھمپور کے مائیگرنٹ ووٹروں کے لئے پولنگ مواد اور سٹاف کی روانگی ،اَمن و اَمان کے ساتھ ساتھ پولنگ سٹیشنوں کی حساسیت ، اِنتخابی فہرستوں ،ووٹروں کے اِنتظامات کے ساتھ ساتھ اِنتخابات کے پُر امن اِنعقاد کیلئے دیگر اقدامات پر غور و خوض ہوا۔
میٹنگ میں یہ بھی بتایا گیا کہ مقابلہ ان امید واروں کے درمیان ہوگا جن کے کاغذات نامزندگی ریٹرننگ آفیسر نے درست قرار دئیے ہیں اور نااہلوں کو چھوڑ کر ( دو حلقوں میں سے ایک ایک) ۔ جموںاور اودھمپور میں ان دو حلقوں سے مائیگرنٹ ووٹروں کے ووٹ ڈالنے کے اِنتظامات پر بھی تبادلہ خیال کیا گیا۔
دورانِ میٹنگ ای اِی سی نے اَفسران کو ہدایت دی کہ تمام مطلوبہ مواد پہلے سے ہی تقسیم کیا جائے ۔ اِس کے علاوہ عملے کی تعیناتی بھی دیگر محکموں کی مشاورت سے اِنتخابات کے خوش اَسلوبی سے اِنعقاد کے لئے پہلے سے طے کی جائے۔
ضلع ترقیاتی کمشنران نے ایس اِی سی کو اَپنے اَپنے اَضلاع میں دو بارہ پولنگ کے اِنعقاد کے حوالے سے کئے گئے اقدامات سے آگاہ کیا۔