نوشہرہ اوڑی میں صوفی بزرگ کی درگاہ خاکستر

سرینگر//
شمالی کشمیر کے بارہمولہ ضلع کے نوشہرہ علاقے میں ایک صوفی بزرگ سید سخی ؒ کی درگاہ میں آگ لگ گئی۔
ایک سرکاری عہدیدار کے حوالے سے ایک مقامی خبر رساں ایجنسی کاکہنا ہے کہ آگ نے آج دوپہر مزار کو اپنی لپیٹ میں لے لیا اور بنیادی طور پر لکڑی سے بنا ہوا ڈھانچہ مکمل طور پر راکھ ہو گیا۔
مقامی لوگوں کی کوششوں کے باوجود، جنہیں بعد میں فائر اینڈ ایمرجنسی ڈیپارٹمنٹ نے مدد فراہم کی، ڈھانچے کو نہیں بچایا جاسکا، عہدیدار نے کہا کہ تاہم مشترکہ کوششوں سے آگ کو قریبی عمارتوں تک پھیلنے سے قابو کرلیا گیا۔
فائر اینڈ ایمرجنسی ڈیپارٹمنٹ کے ایک اہلکار نے بتایا کہ اس حادثے میں ڈھانچے کو کافی نقصان پہنچا ہے۔
آگ لگنے کی وجہ فوری طور پر معلوم نہیں ہو سکی۔