وادی میں رات کے درجہ حرارت میںہلکی گراوٹ

سرینگر//
وادی کشمیر میں خشک و خوشگوارموسم کے بیچ بعض مقامات پر شبانہ درجہ حرارت میں گراوٹ درج کی گئی۔
ادھرمحکمہ موسمیات کی پیش گوئی کے مطابق وادی کشمیر میں ماہ رواں کے اختتام تک موسم خشک رہنے کا امکان ہے ۔
متعلقہ محکمے کے ایک ترجمان نے بتایا کہ وادی میں سیاحتی مقامات گلمرگ اور پہلگام کو چھوڑ کر باقی جگہوں پر شبانہ درجہ حرارت میں قدرے گراؤٹ درج ہوئی ہے ۔انہوں نے کہا کہ دارلحکومت سرینگر میں کم سے کم درجہ حرارت۹ء۵ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت ۶ء۶ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۸ء۰ڈگری سینٹی گریڈ ریکارڈ کیا گیا جو گذشتہ شب ۰۵ڈگری سینٹی گریڈ ریکارڈ ہوا تھا۔
ترجمان نے بتایا کہ گلمرگ میں رواں موسم کے مطابق درجہ حرارت منفی۶ء۱ڈگری سینٹی گریڈ درج ہونا چاہئے تھا جو معمول سے۴ء۲ڈگری سینٹی گریڈ زیادہ ریکارڈ ہوا ہے ۔
سیاحتی مقام پہلگام میں کم سے کم درجہ حررات ۲ء۰ڈگری سینٹی گریڈ ریکارد کیا گیا جہاں گذشتہ شب کا کم سے کم درجہ حرارت منفی۳ء۰ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۳ء۳ ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت۶ء۴ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۲ء۴ ڈگری سینٹی گریڈ ریکارڈ کیا گیا جہاں گذشتہ شب کا کم سے کم درجہ حرارت ۶ء۴ڈگری سینٹی گریڈ ریکارڈ ہوا تھا۔
دریں اثنا وادی میں ہفتے کو صبح سے ہی موسم خشک و خوشگوار رہا اور وادی کے سیاحتی مقامات بالخصوص جھیل ڈل کے کناروں پر واقع ایشیا کے سب سے بڑے باغ گل لالہ جس کوحال ہی میں لوگوں کے کھول دیا گیا، میں مسلسل سیلانیوں کا بے تحاشا رش دیکھا جا رہا ہے ۔
وادی کشمیر میں پیڑ پودوں پر شگوفے برجستہ پھوٹ گئے ہیں جو یہاں کے حسن و جمال میں مزید چار چاند لگا دیتے ہیں۔