اے آئی ایف ایف نے مودی کا شکریہ ادا کیا

نئی دہلی// آل انڈیا فٹ بال فیڈریشن (اے آئی ایف ایف) نے فیفا انڈر 17 خواتین ورلڈ کپ فٹ بال 2022 کی میزبانی کے سلسلے میں گارنٹی پر دستخط کو منظوری دینے کے لیے وزیر اعظم نریندر مودی کا شکریہ ادا کیا ہے۔
مرکزی کابینہ نے بدھ کے روز ہندوستان میں فیفا انڈر 17 ویمنز ورلڈ کپ فٹ بال کی میزبانی کے لیے گارنٹی پر دستخط کرنے کی منظوری دی۔
اے آئی ایف ایف کی جانب سے جاری کردہ ایک بیان میں کہا گیا ہے کہ کھیل کے میدان کی دیکھ بھال، بجلی، توانائی اور کیبلنگ، اسٹیڈیم اور ٹریننگ سائٹ کی برانڈنگ وغیرہ کے لیے حکومت کی جانب سے 10 کروڑ روپے کی مالی امداد فراہم کی جائے گی۔ فیفا انڈر 17 خواتین کا ورلڈ کپ پہلی بار ہندوستان میں کھیلا جائے گا، جو ملک میں خواتین کے فٹ بال کو فروغ دینے میں اہم کردار ادا کرے گا۔ ہم امید کرتے ہیں کہ زیادہ سے زیادہ نوجوان لڑکیوں کو اس کھیل کے لیے حوصلہ افزائی کی جائے گی۔
اے آئی ایف ایف کے صدر کلیان چودھری نے خواتین فٹ بال کی حوصلہ افزائی کرنے پر حکومت کا شکریہ ادا کیا۔