وراٹ کوہلی نے پاکستان کے کپتان بابر اعظم سے ہاتھ ملایا

دبئی// ورلڈ کپ 2021 کے بعد، ہندوستان اور پاکستان پہلی بار 28 اگست کو ایک میچ کھیلنے جا رہے ہیں۔ دونوں ٹیمیں ایشیا کپ میں شرکت کے لیے دبئی پہنچ گئی ہیں۔ بدھ کو ٹیم انڈیا نے پہلا پریکٹس سیشن بھی کیا۔ اس دوران ٹیم انڈیا کے سابق کپتان وراٹ کوہلی نے پاکستان کے کپتان بابر اعظم سے ملاقات کی اور ان سے ہاتھ بھی ملایا ۔
بی سی سی آئی نے یہ ویڈیو سوشل میڈیا پر شیئر کیا ہے۔ ویڈیو میں کوہلی کے علاوہ ہاردک پانڈیا، یوزویندر چہل، سوریہ کمار یادو، روی چندرن اشون، دنیش کارتک اور ارشدیپ سنگھ سمیت دیگر کھلاڑی بھی نظر آئے۔ چاہل اور ہاردک نے افغانستان کے کھلاڑیوں سے ملاقات کی۔ بابر اس وقت دنیا کے ٹاپ بلے بازوں میں سے ایک ہیں۔ وہیں کوہلی اس وقت فارم کے لیے جدوجہد کر رہے ہیں۔
وراٹ کوہلی طویل عرصے سے فارم میں واپسی کے لئے جدوجہد کر رہے ہیں۔ انگلینڈ کے دورے پر بھی وہ کچھ خاص نہیں کرسکے تھے۔ ایسے میں سب کی نظریں پاکستان کے خلاف پہلے ہی میچ میں ان کی واپسی پر ہوں گی۔
بدھ کو اسٹار اسپورٹس کو انٹرویو دیتے ہوئے کوہلی نے کہا، ‘2014 میں انگلینڈ میں جو کچھ ہوا وہ الگ چیز تھی۔ اب میں نے اپنے شاٹ سلیکشن میں کافی بہتری لائی ہے اور مجھے اب بیٹنگ میں کسی قسم کی پریشانی کا سامنا نہیں ہے۔