اڈانی گروپ کو بڑے قرض سے ہوشیار رہنے کی ضرورت ہے : کریڈٹ سائٹس

نئی دہلی// کارپوریٹ دنیا کے ممبران کی مالیاتی پوزیشن سے نگاہ رکھنے والی فرم کریڈٹ سائٹس نے منگل کو ایک رپورٹ میں خبردار کیا ہے کہ اڈانی گروپ کے اپنے دیرینہ توسیعی منصوبوں کے لیے جس طرح بڑے قرضوں پر منحصر ہے اس سے گروپ کے قرض کے جال میں پھنسے کا خطرہ ہے ۔
رپورٹ میں کہا گیا ہے کہ ارب پتی کاروباری گوتم اڈانی کی زیرقیادت اڈانی گروپ نے ایک جارحانہ توسیعی منصوبہ اپنایا ہے ، جس سے اس کی مالیاتی کریڈٹ کی شرائط اور نقد بہاؤ پر دباؤ ہے ۔
رپورٹ میں کہا گیا ہے کہ اڈانی گروپ اپنے موجودہ اور نئے دونوں کاروباروں کی توسیع میں جارحانہ انداز میں سرمایہ کاری کر رہا ہے ۔ یہ سرمایہ کاری بنیادی طور پر قرض لے کر کی جا رہی ہے ۔ اس کے نتیجے میں انحصار بڑھ گیا ہے اور سالوینسی (سروسنگ کے لیے درکار سرمایہ) کا تناسب بڑھ گیا ہے ۔
‘اڈانی گروپ: ڈیپلی اوورلیوریجڈ’ کے عنوان سے رپورٹ میں کہا گیا ہے ‘‘یہ سمجھا جاسکتا ہے کہ اس سے پورے گروپ کے لیے یہ تشویش بڑھ گئی ہے ۔ تشویش یہ ہے کہ ان گروپ کی ان کمپنیوں پر اس کا کیا ہوسکتا ہے جنہوں نے قرض کے لئے بانڈ جاری کئے ہیں۔ حالت بری ہوئی تو واضح طور پر زیادہ قرض۔ مالیاتی توسیع کے پروجیکٹوں کی اسکیمیں بالآخر گروپ کو قرضوں کے ایک بڑے بھنور میں پھنسا سکتی ہیں۔
کریڈٹ سائٹس کی اس رپورٹ میں کہا گیا ہے کہ اگر صورتحال مزید خراب ہوئی تو گروپ کی ایک یا زیادہ کمپنیوں کے لیے قرض کی ادائیگی مشکل ہو سکتی ہے یا وہ قسطیں ادا کرنے میں ناکام ہو سکتی ہیں۔
رپورٹ میں کہا گیا ہے کہ اڈانی گروپ کے توسیعی منصوبوں میں اپنا حصہ دار سرمایہ لگانے کے بہت کم ثبوت ہیں۔ اس میں یہ بھی کہا گیا کہ گروپ کو اپنے کھاتوں کو برقرار رکھنے کے لیے اپنے قرض کا سہارا کم کرنا چاہیے ۔
رپورٹ میں کہا گیا ہے کہ مارکیٹ میں غلبہ حاصل کرنے کے لیے اڈانی گروپ اور ریلائنس انڈسٹریز کے درمیان ممکنہ طور پر مضبوط مقابلہ غیر منصفانہ مالیاتی فیصلوں کا باعث بن سکتا ہے ۔
کریڈٹ سائٹس کی رپورٹ میں کئے گئے تبصروں پر اڈانی گروپ سے ردعمل حاصل نہیں مل سکا تھا۔