حکومت بینکوں کی نجکاری میں من مانی کر رہی ہے : کانگریس

نئی دہلی// کانگریس نے کہا ہے کہ حکومت ریزرو بینک کی وارننگ کو نظر انداز کرکے اور پبلک سیکٹر کے بینکوں کی نجکاری کی طرف بڑھتے ہوئے بینکنگ نظام کے لیے خطرناک قدم اٹھا رہی ہے ۔
کانگریس کمیونیکیشن ڈپارٹمنٹ کے سربراہ جے رام رمیش نے کہا ہے کہ مودی حکومت آر بی آئی کی وارننگ پر توجہ نہیں دیتی۔ اسی طرح اس حکومت نے نوٹ بندی کے وقت من مانی کی اور آر بی آئی کی وارننگ کو نظر انداز کیا گیا۔انہوں نے ٹویٹ کیا ‘‘آر بی آئی کی وارننگ۔ پبلک سیکٹر کے بینکوں کی تعداد پہلے ہی 27 سے کم ہو کر 12 ہو گئی ہے ۔ حکومت کا منصوبہ اسے مزید کم کرنا ہے اور شاید صرف ایک کرنا ہے ۔ آر بی آئی کا کہنا ہے کہ ایسا کرکے مصیبت کو دعوت دی جا رہی ہے ۔ لیکن مودی حکومت ہمیشہ من مانی کرتی ہے ۔ نوٹ بندی کے لیے بھی آر بی آئی کی بات نہیں سنی گئی۔
اس کے ساتھ انہوں نے ایک خبر بھی پوسٹ کی ہے جس میں کہا گیا ہے کہ [؟]بڑے پیمانے پر پبلک سیکٹر بینکوں کی نجکاری سے نقصان زیادہ ۔ بینکوں کی نجکاری کی تیاری میں آر بی آئی کا حکومت کو احتیاط سے آگے بڑھنے کا مشورہ۔