’دہشت گروں کے معاملے پردوہرا کردار نہیں ہونا چاہیے‘

نئی دہلی//
ہندوستان نے آج اقوام متحدہ کی سلامتی کونسل میں جیش محمد کے سربراہ‘ مسعود اظہر کے چھوٹے بھائی عبدالرؤف اصغر پر پابندیاں عائد کرنے کی تجویز پر چین کے ویٹو کی مذمت کرتے ہوئے کہا کہ یہ بدقسمتی کی بات ہے کہ دہشت گردی کے خلاف جنگ میں اجتماعی طور پرعالمی برادری ایک آواز میں بات کرنے سے قاصر ہے۔
وزارت خارجہ کے ترجمان ارندم باگچی نے یہاں معمول کی بریفنگ میں چین سے متعلق موضوعات پر یہ بات کہی۔
بدھ کو اصغر کے معاملے پر سلامتی کونسل کی ۱۲۶۷ پابندیوں کی کمیٹی کے ووٹ میں چین کے موقف کے بارے میں ایک سوال کے جواب میں ترجمان نے کہا کہ اقوام متحدہ میں ہندوستان کی مستقل مندوب روچیرا کمبوج نے ایک بیان دیا ہے اور اس پر اپنی تشویش کا اظہار کیا ہے۔
وزارت خارجہ کے ترجمان نے کہا’’ ہمیں افسوس ہے کہ اقوام متحدہ کی جانب سے کالعدم تنظیم کے نمبر۲ دہشت گرد پر پابندی کی تجویز پر تکنیکی رکاوٹ پیدا ہو گئی ہے۔ دوہرے معیار کی مسلسل رویہ کی وجہ سے پابندی لگانے والے نظام کا اعتبار اب تک کے سب سے نچلے سطح پر ہے‘‘۔
باگچی نے کہا کہ یہ انتہائی بدقسمتی کی بات ہے کہ بین الاقوامی برادری دہشت گردی کے خلاف ہماری اجتماعی جدوجہد میں ایک آواز میں بات کرنے سے قاصر ہے۔ انہوں نے کہا کہ دہشت گردوں کے معاملے میں دوہرا کردار نہیں ہونا چاہیے اور بغیر کسی معقول وجہ کے تجاویز میں رکاوٹ ڈالنے کی عادت بند ہونی چاہیے۔
تائیوان میں ہونے والے واقعات سے متعلق سوالات پر ترجمان نے کہا کہ دیگر ممالک کی طرح ہندوستان بھی تائیوان میں ہونے والی پیش رفت پر فکر مند ہے۔ان کاکہنا تھا’’ ہم جمود کو بدلنے، تناؤ کو کم کرنے اور امن و استحکام کو برقرار رکھنے کے لیے تحمل اور یکطرفہ کارروائی سے گریز کرنے پر زور دیتے ہیں۔ اس سلسلے میں ہندوستان کی متعلقہ پالیسیاں معروف اور ہم آہنگ ہیں۔ انہیں دہرانے کی ضرورت نہیں‘‘۔
وزارت خارجہ کے ترجمان سے یہ سوال بھی پوچھا گیا کہ ہندوستان امریکی ایوان نمائندگان کی اسپیکر نینسی پیلوسی کے دورہ تائیوان کو کس نظر سے دیکھتا ہے اور کیا وہ ایک چین پالیسی پر یقین رکھتا ہے۔
سری لنکا میں چینی جہاز کے حوالے سے ہندوستان کی طرف سے مداخلت کے الزامات کے بارے میں پوچھے جانے پر ترجمان نے کہا کہ ہم بیان میں ہندوستان کے بارے میں ظاہر کیے گئے جذبات کو مسترد کرتے ہیں۔ان کاکہنا تھا’’ سری لنکا ایک خودمختار ملک ہے اور آزادانہ فیصلے کرتا ہے ۔ جہاں تک ہندوستان۔ سری لنکا تعلقات کا تعلق ہے‘ سری لنکا ہندوستان کی پڑوسی پہلے پالیسی کے مرکز میں ہے ۔ ہندوستان نے سری لنکا میں اقتصادی بحران کے دوران۸ء۳بلین ڈالر کی بے مثال امداد فراہم کی ہے ۔ ہندوستان مکمل طور پر وہاں جمہوریت، استحکام اور معاشی بحالی کے حق میں ہے ‘‘۔
باگچی نے کہا کہ جہاں تک ہندوستان اور چین کے تعلقات کا تعلق ہے ، ہم مسلسل اس بات پر زور دیتے رہے ہیں کہ باہمی احترام، باہمی حساسیت اور باہمی دلچسپی ہمارے تعلقات کی ترقی کے لیے ضروری ہے ۔وزارت خارجہ کے ترجمان نے کہا’’ جہاں تک ہمارے سیکورٹی خدشات کا تعلق ہے تو یہ ہر ملک کا حق ہے ، ہم اپنے مفادات میں بہترین فیصلہ کریں گے ۔ قدرتی طور پر اس میں ہمارے خطے خصوصاً سرحدی علاقوں کی موجودہ صورتحال کو مدنظر رکھا جائے گا۔‘‘