مزید بارشوں کا امکان، شبانہ درجہ حرارت میں کمی

سرینگر//
وادی کشمیر میں رک رک کر بارشوں کے بیچ محکمہ موسمیات نے اگلے چوبیس گھنٹوں کے دوران کہیں کہیں مزید بارشیں ہونے کی پیش گوئی کی ہے ۔
ادھر بارشوں سے وادی میں شبانہ درجہ حرارت میں مزید کمی واقع ہوئی ہے جس سے لوگوں کو گرمی سے راحت نصیب ہوئی ہے ۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران کہیں کہیں ہلکی سے درمیانی درجے کی بارشوں کا امکان ہے ۔
ترجمان نے کہا کہ سرینگر میں گذشتہ چوبیس گھنٹوں کے دوران۶ء۲ملی میٹر بارش ریکارڈ کی گئی جبکہ سیاحتی مقام گلمرگ میں۷ء۱۲ملی میٹر‘ پہلگام میں۳ء۱۰ملی میٹر‘ کپوارہ میں۷ء۸ملی میٹر اور قاضی گنڈ میں۶ء۱۲ملی میٹر ریکارڈ ہوئی ہے ۔
دریں اثنا وادی میں بارشوں کے باعث شبانہ درجہ حرارات میں مزید کمی واقع ہوئی ہے ۔
دارلحکومت سرینگر کم سے کم درجہ حرارت۱ء۱۹ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۵ء۱ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت۵ء۹ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۳ء۲ڈگری سینٹی گریڈ کم ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۴ء۱۴ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۲ء۱ڈگری سینٹی گریڈ کم ریکارڈ ہوا رتھا۔
شمالی ضلع کپوارہ میں کم سے کم درجہ حرارت۶ء۱۷ڈگری سینٹی گریڈ ریکارڈ کیا گیا جو گذشتہ شب کے درجہ حرارت سے۴ء۰ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۱۷ڈگری سینٹی گرٰڈ ریکارڈ کیا گیا جو گذشتہ شب کے درجہ حرارت سے۰ء۹ڈگری سینٹی گریڈ کم ریکارڈ ہوا تھا۔