ریاسی؍ ۲ نومبر
ریاسی ضلع کے ماہور علاقے میں پیر کے روز ولیج ڈیفنس گارڈ (وی ڈی جی) کے ایک رکن کے ہتھیار سے حادثاتی طور پر گولی چلنے کے نتیجے میں میاں بیوی جاں بحق ہو گئے۔
سرکاری حکام نے خبر رساں ایجنسی کشمیر نیوز آبزرور (کے این او) کو بتایا کہ واقعہ ماہور تحصیل کے برالکنڈ بگوداس گاؤں میں پیش آیا، جہاں میاں بیوی وی ڈی جی ٹیم کا حصہ تھے۔ اسی دوران ہتھیار سے اچانک گولی چلنے کے باعث دونوں زخمی ہو گئے۔
حکام کے مطابق شوہر کی موقع پر ہی موت واقع ہوئی، جبکہ اس کی اہلیہ نے بعد میں پی ایچ سی بگوداس میں زخموں کی تاب نہ لاتے ہوئے دم توڑ دیا۔
پولیس نے واقعے کا نوٹس لیتے ہوئے ضروری کارروائی شروع کر دی ہے۔
۔۔۔۔(ایجنسیاں )
