کرگل جنگ:پوئنٹ ۵۱۴۰ اب’گن ہل‘ سے منسوب

سرینگر//
۱۹۹۹ میں کرگل جنگ میں فتح حاصل کرنے کے بعد فوج نے آج دراس کے پوائنٹ۵۱۴۰ کو’گن ہل‘ کا نام منسوب کیا ہے۔
اس سلسلے میں بھارتی فوج کے دفاعی ترجمان نے ہفتہ کے روز کہا کہ بھارتی مسلح افواج کی فتح کی یاد میں اور ’آپریشن وجے‘ میں فوج کی عظیم قربانی کو خراج تحسین پیش کرنے کیلئے کرگل کے دراس میں واقعہ پوائنٹ ۵۱۴۰ کو’گن ہل‘ کا نام دیا گیا ہے۔
ترجمان نے کہا کہ پوائنٹ ۵۱۴۰ کرگل جنگ میں ایک اہم پوانٹ تھا جس کے سبب بھارتی فوج نے دشمن فوج کا دفاع کیا اور انہیں شکست دینے میں کامیابی حاصل کی۔
۲۶ جولائی سنہ۱۹۹۹ میں نے لداخ کے کرگل کی برفیلی بلندیوں پر پاکستانی فوجیوں کے ساتھ تقریباً تین ماہ تک جاری رہنے والی جنگ کے بعد بھارتی فوج نے فتح کا اعلان کرتے ہوئے آپریشن وجے کے کامیاب خاتمے کا اعلان کیا۔
آف آرٹلری کی جانب سے، کرگل وار میموریل، دراس پر آرٹلری کے ڈائریکٹر جنرل لیفٹیننٹ جنرل ٹی کے چاولہ نے پھولوں کی چادر چڑھائی۔
اس موقع پر آپریشن میں حصہ لینے والے سابق فوجی بھی موجود تھے۔ وہیں فائر اینڈ فیوری کور کے جنرل آفیسر کمانڈنگ لیفٹیننٹ جنرل انندا سین گپتا نے بھی اس پروقار موقع پر ہلاک ہوئے فوجیوں کی یاد میں پھولوں کی چادر چڑھائی۔
واضح رہے کہ سنہ ۱۹۹۹ میں تقریباً تین مہینے چلی کرگل جنگ کے دوران ۵۲۷ بھارتی فوجی ہلاک ہوئے تھے، جبکہ ۱۳۶۳ فوجی زخمی ہوئے تھے۔ وہیں پاکستان کی طرف بھی کافی جانی نقصان ہوا تھا۔
ہر سال ۲۶ جولائی کو کرگل وجے دیوس دن منایا جاتا ہے، سنہ۱۹۹۹ میں کرگل جنگ میں بھارت نے پاکستان پر فتح حاصل کی تھی۔
کرگل وجے دیوس بھارتی تاریخ کا ایک اہم دن ہے۔ کرگل وجے دیوس ملک بھر میں ان بھارتی ہیروز کو یاد کرنے کے لئے منایا جاتا ہے جنہوں نے ملک کے لیے اپنی جانیں قربان کیں۔