سرینگر؍۱۳؍اگست
اننت ناگ ضلع کے گاؤرن نڑ علاقے میں جمعرات کو آسمانی بجلی گرنے کے نتیجے میں دو افراد ہلاک جبکہ دو دیگر زخمی ہوگئے، حکام نے بتایا۔
ایک افسر نے بتایا کہ اننت ناگ کے گاؤرن نڑ علاقے میں آسمانی بجلی گرنے سے دو افراد ہلاک اور دو دیگر زخمی ہوئے۔
ہلاک شدگان کی شناخت گاؤرن کے رہائشی محمد یعقوب چرڈ کے بیٹے فیضان احمد(۱۸) اور ریڈونی گاؤرن کے رہائشی نذیر احمد کے بیٹے بلال احمد بٹانہ(۱۶)کے طور پر ہوئی ہے۔
زخمیوں کی شناخت ریڈونی گاؤرن کے رہائشی سجاد احمد بٹانہ(۱۵) ولد سی بٹانہ، اور شریف احمد بٹانہ، ولد جمعہ، کے طور پر کی گئی ہے۔
دریں اثنا، زخمیوں کو ابتدائی طبی امداد کے لیے پرائمری ہیلتھ سینٹر (پی ایچ سی) لارنو منتقل کیا گیا، جبکہ واقعے سے متعلق مزید تفصیلات کا انتظار ہے۔
۔۔۔۔۔۔۔
ایجنسیاں
