ارجن تندولکر کی شاندار آل راؤنڈ کارکردگی سے اے آر سی ایس اندھیری کی بڑی فتح

ممبئی، 9 جون (یواین آئی)ارجن تندولکر کی شاندار آل راؤنڈ کارکردگی اورمشیر خان کی نصف سنچری کی بدولت اے آر سی ایس اندھیری نے نوواما پرائیویٹ ٹی-20 ممبئی لیگ 2026 میں باندرہ بلاسٹرز کو 9 وکٹوں سے شکست دے دی۔
پیر کو وانکھیڑے اسٹیڈیم میں کھیلے گئے اس میچ میں ارجن تندولکر نے گیند اور بلے دونوں سے عمدہ کھیل پیش کرتے ہوئے اپنی ٹیم کو شاندار کامیابی دلائی۔
اس آل راؤنڈر نے پہلے گیند بازی کرتے ہوئے تین اوورز میں صرف 11 رنز دے کر 3 وکٹیں حاصل کیں، جن میں ایک میڈن اوور بھی شامل تھا اور باندرہ بلاسٹرز کو 20 اوورز میں 144 رنز پر 9 وکٹوں تک محدود رکھنے میں اہم کردار ادا کیا۔
بعد ازاں 145 رنز کے ہدف کے تعاقب میں اے آر سی ایس اندھیری نے جلد ہی دیویانش سکسینہ (26) کی وکٹ گنوا دی، لیکن ارجن تندولکر اور مشیر خان نے ٹیم کو سنبھال لیا۔ دونوں بلے بازوں نے دوسرے وکٹ کے لیے ناٹ آؤٹ 116 رنز کی شراکت قائم کی۔
ارجن تندولکر نے 34 گیندوں پر ناٹ آؤٹ 66 رنز بنائے، جبکہ مشیر خان نے 38 گیندوں پر ناٹ آؤٹ 54 رنز اسکور کیے۔ ان کی جارحانہ شراکت کی بدولت اے آر سی ایس اندھیری نے صرف 13.5 اوورز میں ایک وکٹ کے نقصان پر 148 رنز بنا کر ہدف حاصل کر لیا اور 37 گیندیں باقی رہتے ہوئے 9 وکٹوں سے کامیابی اپنے نام کی۔