ایجنسیز
سرینگر؍۵مئی
وائٹ نائٹ کور کے جنرل آفیسر کمانڈنگ (جی او سی) لیفٹیننٹ جنرل پی کے مشرا نے، جی او سی کاؤنٹر انسرجنسی فورس (سی آئی ایف) ڈیلٹا میجر جنرل اے پی ایس بال کے ہمراہ، ضلع اُدھم پور کے علاقہ بسنتر گڑھ کا دورہ کیا تاکہ موجودہ سکیورٹی صورتحال اور جاری آپریشنل تیاریوں کا جائزہ لیا جا سکے۔
آرمی کمانڈر کو موجودہ سکیورٹی ترتیب، فورس کی تعیناتی، نگرانی کے نظام اور ہنگامی ردعمل کے طریقۂ کار سے آگاہ کیا گیا، جبکہ آپریشنل فریم ورک کو بہتر بنانے اور مستحکم پسِ منظر (ہِنٹرلینڈ) کے لیے کثیر ایجنسی اشتراک کو مزید مضبوط کرنے پر خصوصی تبادلۂ خیال کیا گیا۔
دورے کے دوران، جی او سی وائٹ نائٹ کور نے جوانوں کے بلند حوصلے، پیشہ ورانہ صلاحیت اور مشکل حالات میں وطن کی حفاظت کے عزم کو سراہا۔
