ہمیں سیاستدانوں پر رشک ہو رہا ہے اور …. اور سو فیصد ہو رہا ہے…. اس لئے ہو رہا ہے کہ …. کہ انہیں کچھ بھی کہنے کی آزادی ہے…. یہ کچھ بھی کہہ سکتے ہیںاور….اور کہتے ہیں ۔اس لئے تو صاحب ہمارا بس چلے تو…. تو ہم بھی سیاستدان بن جائیں….ہم بھی سیاست جوائن کرکے سیاستدانوں کی تعداد میں اضافہ کرنے کا کریڈٹ لیں …. وہ کیا ہے کہ …. کہ لوگ سیاستدانوں کے بارے میں کچھ بھی رائے رکھیں …. لیکن…. لیکن جو مزے سیاستدانوں کے ہیں…. جو چھوٹ ‘ جو آزادی انہیں حاصل ہے‘ وہ کسی اور کو نہیں ہے…. بالکل بھی نہیں ہے ۔ اب دیکھئے نا ہمیں تول مول بولنے کی صلاح دی جاتی ہے…. ہم اور آپ کو پہلے سوچنا …. سو بار سوچنا پڑتا ہے…. پھر جا کے ہم کچھ کہہ سکتے ہیں‘ بول سکتے ہیں…. لیکن….لیکن سیاستدانوں کی ایسی کوئی قید‘کوئی بندش نہیں ہے…. وہ کہیں بھی کچھ بھی کہہ سکتے ہیں…. انہیں کچھ بھی کہنے کی آزاد ی حاصل ہے اور…. اور اللہ میاں کی قسم وہ اپنی اس آزادی کا خوب فائدہ بھی اٹھاتے ہیں…. جب جہاں جو چاہیں کہتے ہیں…. کہہ سکتے ہیں…. جیسے وہ سب باتیں جو اسمبلی کے بجٹ اجلاس کے آخری دن سکینہ ایتو اور وحید الرحمان پرہ میں ہوئیں …. ایسی باتیں کہ اللہ ہماری توبہ کہ ہم ایسی ویسی باتیں نہیں کہہ سکتے ہیں …. کر سکتے ہیں…. بالکل بھی نہیں کرسکتے ہیں ۔ اب آپ ہی بتایئے کہ ہم کہیں تو…. تو کیا کہیں کہ ہماری سمجھ میں کچھ بھی نہیں آتا ہے….اور اگر ہماری سمجھ میں کچھ آتا بھی ہے تو…. تو ہم سیاستدان نہیں ہے‘ جوہمیں کچھ بھی کہنے کی آزادی ہے ….ایسی ہماری قسمت کہاں کہ….کہ اگر ہم عام لوگ ‘ عام پبلک اپنے لب بھی کھولیں تو ….۔خیر ! جن کو یہ آزاد ی حاصل ہے ….سیاستدانوں کو حاصل ہے ‘ وہ کچھ بھی کہتے ہیں…. کچھ بھی۔…. لیکن …. لیکن صاحب ہم ایسا نہیں کہہ سکتے ہیں…. ہم ایتو ‘سکینہ ایتو اور پرہ صاحب اور ا ن کی پی ڈی پی پر کوئی الزام عائد نہیں کر سکتے ہیں کہ…. کہ ہم سیاستدان نہیں ہیں….اور ہمیں کچھ بھی کہنے کی آزاد ی حاصل نہیں ہے…. بالکل بھی نہیں ہے….اسی لئے تو ہم سیاستدان بننا چاہتے ہیں…. تاکہ ہمیں بھی کچھ کہنے اور لکھنے کی آزادی حاصل ہو ۔ ہے نا؟
۔۔۔۔۔۔
