ایجنسیز
جموں؍ یکم اپریل
قانون ساز اسمبلی نے آج جل جیون مشن (جے جے ایم) سے متعلق ہاؤس کمیٹی کو اپنی رپورٹ پیش کرنے کے لیے دو ماہ کی توسیع دے دی۔
یہ تحریک منظور کر لی گئی اور صوتی ووٹ کے ذریعے توسیع دی گئی۔
ہاؤس کمیٹی کے چیئرمین جسٹس حسنین مسعودی نے ایک تحریک پیش کی جس میں کہا گیا’’کہ یہ ایوان جل جیون مشن پر ہاؤس کمیٹی کی مدت میں مزید تین ماہ کی توسیع کرے تاکہ وہ اپنا تفویض کردہ کام مکمل کر سکے اور رپورٹ پیش کر سکے‘‘۔
ایوان نے نوٹ کیا کہ کمیٹی کو جموں و کشمیر بھر میں جے جے ایم کے تحت انجام دیے گئے کاموں کا جائزہ لینے کے لیے مزید وقت درکار ہے، اور رپورٹ پیش کرنے کے لیے اسے تین ماہ کی توسیع دے دی گئی۔
اسپیکر قانون ساز اسمبلی عبدالرحیم راتھر نے کہا کہ ہاؤس کمیٹی اپنا زیادہ تر کام مکمل کر چکی ہے، تاہم رپورٹ پیش کرنے کے لیے مزید وقت درکار ہے کیونکہ۳۲۰۰واٹر سپلائی اسکیموں (WSSs) کا جائزہ لینا باقی ہے۔
اس سے قبل اراکین اسمبلی اعجاز جان، شام لال شرما، سجاد غنی لون، میر سیف اللہ، نذیر احمد خان (گُریزی)، نظام الدین بٹ، محمد یوسف تاریگامی اور پیرزادہ فاروق احمد شاہ نے جے جے ایم کے نفاذ سے متعلق مختلف مسائل اور خدشات اٹھائے۔
اراکین نے مکمل شدہ واٹر سپلائی اسکیموں کو عوام کے لیے مؤثر بنانے، مکمل کاموں کے عوض واجبات کی ادائیگی اور جے جے ایم کے تحت زیر التوا کاموں کی تکمیل پر زور دیا۔
