ڈی آئی پی آر
جموں؍۲۷مارچ
لیفٹیننٹ گورنر منوج سنہا نے جمعہ کے روز وزیر اعظم نریندر مودی کے اس تاریخی فیصلے کا خیرمقدم کیا جس کا مقصد مغربی ایشیا کے بحران کے باعث پیدا ہونے والی سپلائی میں رکاوٹوں سے گھریلو صارفین کو محفوظ رکھنا ہے۔
لیفٹیننٹ گورنر نے ایکس پر اپنی پوسٹ میں کہا’’عوامی فلاح کو ترجیح دیتے ہوئے وزیر اعظم نریندر مودی جی نے مغربی ایشیا کے بحران سے پیدا ہونے والی سپلائی میں رکاوٹوں کے اثرات سے گھریلو صارفین کو محفوظ رکھنے کا تاریخی فیصلہ کیا ہے۔ یہ اقدامات عام ہندوستانیوں کے معیارِ زندگی کے تحفظ کے لیے ان کے عزم کی عکاسی کرتے ہیں‘‘۔
پیٹرول اور ڈیزل دونوں پر سنٹرل ایکسائز ڈیوٹی میں۱۰روپے فی لیٹر کمی کی گئی ہے، جس سے صارفین کو بڑھتی ہوئی قیمتوں سے تحفظ ملا ہے۔ ڈیزل پر۲۱ء۵روپے فی لیٹر اور ایوی ایشن ٹربائن فیول پر۲۹ء۵ روپے فی لیٹر ایکسپورٹ ڈیوٹی عائد کی گئی ہے تاکہ ملک کے اندر وافر سپلائی کو یقینی بنایا جا سکے۔
سنہا کاکہنا تھا’’میں وزیر اعظم نریندر مودی جی کا تہہ دل سے شکر گزار ہوں کہ انہوں نے یہ دور اندیش فیصلہ کیا، جو اشیاء کی قیمتوں کو قابو میں رکھنے، مہنگائی کو محدود کرنے اور بھارت کے مفادات کو ترجیح دینے کو یقینی بناتا ہے۔ عالمی منڈیاں اگرچہ غیر یقینی صورتحال کا شکار ہیں، لیکن ہمارے شہری محفوظ اور مستحکم ہیں۔‘‘
