جموں صوبے میں کئی مقامات پر مٹی کے تودے گرآنے سے آمد و رفت متاثر
ایجنسیز
جموں؍۲۰مارچ
شدید برفباری کے باعث جموں خطے کے مختلف علاقوں میں ٹریفک کی آمدورفت متاثر ہونے کے بعد بارڈر روڈز آرگنائزیشن (بی آر او) نے مغل روڈ اور بسوہلی ،بنی بھدرواہ سڑک پر برف ہٹانے کے کام میں تیزی لا دی ہے، حکام نے جمعرات کو بتایا۔
علاقے میں منگل کو ہونے والی شدید برفباری کے بعد مغل روڈ، جو جموں خطے کے سرحدی اضلاع پونچھ اور راجوری کو جنوبی کشمیر کے ضلع شوپیاں سے جوڑتی ہے، گاڑیوں کی آمدورفت کے لیے بند کر دی گئی تھی۔
حکام نے کہا’’پونچھ میں مغل روڈ پر برف ہٹانے کا کام جاری ہے کیونکہ شدید برفباری نے رابطہ منقطع کر دیا ہے۔ بارڈر روڈز آرگنائزیشن کی۷۹آر سی سی ٹیم اس راستے کو جلد بحال کرنے کے لیے دن رات کام کر رہی ہے‘‘۔
انہوں نے بتایا کہ بی آر او کی۵۲آر سی سی ٹیم نے ہیرپورہ سے پیر کی گلی تک سڑک صاف کر دی ہے، تاہم جمعرات کی رات ہونے والی مزید برفباری نے کارروائی کو مشکل بنا دیا۔
حکام کے مطابق، پروجیکٹ ’سمپرک‘ کے تحت بی آر او کی بارڈر روڈز ٹاسک فورس نے مغل روڈ پر شدید برف میں پھنسنے والی ایک ایس یو وی کو نکالنے کے لیے بھی آپریشن انجام دیا۔
انہوں نے مزید کہا کہ بسوہلی،بنی بھدرواہ سڑک پر بھی شدید برفباری کے باعث ٹریفک متاثر ہوا، جس کے بعد بی آر او نے صفائی کا کام تیز کر دیا ہے، جبکہ جمعرات کو مزید برفباری بھی ہوئی۔
بھاری برفباری کے باعث ضلع ڈوڈہ گزشتہ دو دن سے کٹھوعہ سے منقطع ہے، اور ٹریفک بحالی کے لیے اضافی عملہ اور مشینری تعینات کی گئی ہے۔
ادھر ریاسی ضلع میں ریاسی،مہور روڈ پر ملائی نالہ کے مقام پر بڑے لینڈ سلائیڈ کو ہٹانے کے لیے بھی آپریشن جاری ہے۔
حکام نے بتایا کہ ریاسی،ارناس،مہور سڑک پر چسانہ، ملائی نالہ اور کنسولی کے مقامات پر متعدد لینڈ سلائیڈ ہوئے ہیں، جنہیں صاف کرنے کے لیے بی آر او کی کوششیں جاری ہیں۔ (ایجنسیاں)
