ایجنسیز
جموں؍۲۰مارچ
جموں و کشمیر اسمبلی کے نو روزہ سیشن کا دوسرا مرحلہ۲۷مارچ سے شروع ہو کر۴؍اپریل کو ختم ہوگا۔
ذرائع کے مطابق، اپوزیشن لیڈر سنیل شرما اور بی جے پی کی ریاستی یونٹ کے کئی سینئر لیڈر انتخابی ذمہ داریوں کی وجہ سے اس سیشن میں شامل نہیں ہو پائیں گے۔
شرما کو آسام اسمبلی انتخابات کے لیے شریک انچارج مقرر کیا گیا ہے، جبکہ دیگر لیڈروں کی ڈیوٹیاں مغربی بنگال، تمل ناڈو، کیرالہ اور پڈوچیری میں لگائی گئی ہیں۔
واضح رہے کہ کیرالہ، آسام اور پڈوچیری میں۹؍اپریل کو پولنگ ہونی ہے، جبکہ تمل ناڈو میں۲۳؍اپریل اور مغربی بنگال میں دو مرحلوں(۲۳؍اور۲۹؍اپریل) میں انتخابات ہوں گے۔ تمام ریاستوں کے انتخابی نتائج۴مئی کو جاری کیے جائیں گے۔
سنیل شرما کی غیر موجودگی میں، جموں و کشمیر بی جے پی کی جانب سے اسمبلی سیشن کے دوسرے حصے کے دوران اپوزیشن لیڈر کے طور پر کام کرنے کے لیے ایک متبادل لیڈر کو نامزد کیے جانے کی توقع ہے
