سرینگر؍۷مارچ
محکمہ موسمیات کی پیش گوئی کے مطابق وادی کشمیر میں آنے والے دنوں کے دوران موسم میں وسیع پیمانے پر تبدیلی کا امکان ہے اور اس دوران بعض اضلاع کے پہاڑی علاقوں میں درمیانی درجے کی برف باری متوقع ہے۔
محکمہ کے ایک ترجمان نے کہا کہ وادی میں۹ سے۱۲مارچ تک دن کے درجہ حرارت میں۴سے۶ڈگری سینٹی گریڈ کی گراوٹ ریکارڈ ہوسکتی ہے۔
محکمے کے ایک ترجمان نے بتایا کہ وادی میں۷سے۹مارچ تک موسم عام طور پر ابر آلود رہ سکتا ہے اور اس دوران پہاڑی علاقوں میں کہیں کہیں ہلکی برف باری یا بارشوں کا امکان ہے۔انہوں نے کہا کہ بعد میں۱۰سے۱۲مارچ تک موسم عام طور پر ابر آلود رہنے کے ساتھ کئی پہاڑی علاقوں میں ہلکی برف باری یا بارشوں کا امکان ہے۔
ان کا کہنا ہے کہ اس دوران کپوارہ، بانڈی پورہ، گاندربل اور اننت ناگ اضلاع کے کچھ پہاڑی علاقوں میں درمیانی درجے کی برف باری ہوسکتی ہے۔
ترجمان نے بتایا کہ۱۳سے۱۵مارچ تک موسم عام طور پر ابر آلود رہنے کے ساتھ پہاڑی علاقوں میں کہیں کہیں ہلکے برف و باراں کا امکان ہے۔انہوں نے کہا کہ بعد ازاں۱۶؍اور۱۷مارچ کو بھی وادی میں کم وبیش موسم کی یہی صورتحال رہ سکتی ہے۔
محکمے نے اپنی ایڈوائزری میں کسانوں سے کہا ہے کہ وہ۱۰سے۱۲مارچ تک اپنے زرعی کام معطل رکھیں۔انہوں نے کہ وادی میں۹سے۱۲مارچ تک دن کے درجہ حرارت میں۴سے۶ڈگری سینٹی گریڈ کی گراوٹ ریکارڈ ہوسکتی ہے۔
دریں اثنا وادی میں مشہور سیاحتی مقام گلمرگ سرد ترین علاقہ رہا ہے جہاں کم سے کم درجہ حرارت منفی۲ء۰سینٹی گریڈ ریکارڈ ہوا ہے۔
وادی کے دوسرے مشہور سیاحتی مقام پہلگام میں شبانہ درجہ حرارت۷ء۸ڈگری سینٹی گریڈ ریکارڈ ہوا ہے جبکہ سری نگر میں کم سے کم درجہ حرارت۱۰ء۵ڈگری سینٹی گریڈ ریکارڈ ہوا ہے۔
شمالی ضلع کپوارہ میں کم سے کم درجہ حرارت۵ء۸ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت۸ء۸ڈگری سینٹی گریڈ ریکارڈ ہوا ہے
