کورونا کے بڑھتے ہوئے مثبت معاملات :

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۱۶۵نئے معاملات سامنے آئے ہیںجن میں۵۳کاکشمیر اور ۱۱۲ کا تعلق جموں صوبہ سے ہے ا۔
ایک بیان کے مطابق اِس طرح مثبت معاملات کی کل تعداد۴لاکھ۵۶ہزار۴۵۶تک پہنچ گئی ہے‘جن میں سے۸۱۵(صوبہ جموں میں ۵۰۳؍اور کشمیر صوبے میں۳۱۲)سر گرم معاملات ہیں۔اَب تک۴لاکھ۵۰ہزار۸۸۳؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع بارہمولہ میں ایک،ضلع پلوامہ میں بھی ایک،ضلع کپواڑہ میں ایک،ضلع اسلام آبادمیں ۲،ضلع گاندربل میں۵؍ اورضلع سرینگر میں۴۳نئے معاملے درج کئے گئے ہیں۔کولگام، شوپیان ، بڈگام اور بانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح ضلع رِیاسی میں ایک،ضلع اودھمپور میں۷، ضلع راجوری میں ایک، ضلع رام بن میں ایک،ضلع کٹھوعہ میں۶، ضلع سانبہ میں۴؍اورضلع جموںمیں۹۲نئے مثبت معاملے سامنے آئے ہیں۔ڈوڈہ ،پونچھ اورکشتواڑ اضلاع سے کسی مثبت معاملے کی کوئی رِپورٹ نہیں آئی ہے۔
اِس دوران آج مزید۱۱۹؍اَفراد شفایاب ہوئے ہیںجن میں۴۴صوبہ کشمیر اور۷۵کا تعلق جموں صوبہ سے ہے۔
بیان میں کہا گیا ہے کہ گزشتہ ۲۴ گھنٹوں کے دوران جموںکشمیر میں کوروناوائرس سے مرنے والوں کی مجموعی تعداد۴۷۵۸تک پہنچ گئی ،جن میں سے ۲۴۲۵کا کشمیر اور۲۳۳۳کاتعلق جموں صوبہ سے ہے۔