جموں میں منشیات فروش گرفتار

منشیات کے خلاف کریک ڈاؤن کو جاری رکھتے ہوئے جموں پولیس نے ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن میرن صاحب کی ایک ٹیم نے ایک آپریشن کے دوران ایک منشیات فروش کو دھر لیا۔
ترجمان نے کہا کہ تلاشی کے دوران اس کی تحویل سے۷۰ء۱۴گرام ہیروئن جیسا ممنوعہ مواد بر آمد کیا گیا۔
ملزم کی شناخت کلدیپ سنگھ عرف گلو ولد ہربھجن سنگھ ساکن سمبل کیمپ میرن صاحب کے طور پر ہوئی ہے ۔
پولیس ترجمان نے بتایا کہ اس ضمن میں پولیس اسٹیشن میرن صاحب میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر۲۰۲۵/۱۵۶؍ایک مقدمہ درج کیا گیا اور مزید تحقیقات شروع کی گئی۔ انہوں نے کہا کہ پولیس ضلع میں منشیات کے کاروبار کو ختم کرنے کیلئے پر عزم ہے ۔