سرینگر/۷؍اکتوبر
جموں کشمیر کے لیفٹیننٹ گورنر منوج سنہا نے جموںکشمیر کے کسانوں کیلئے پردھان منتری کسان سمان ندھی (پی ایم کسان) اسکیم کی۲۱ویں قسط کی پیشگی واگذاری پر وزیر اعظم نریندر مودی اور مرکزی وزیر برائے زراعت و کسان فلاح و بہبود شیو راج سنگھ چوہان کا شکریہ ادا کیا ہے ۔
سنہا نے کہا کہ تقریباً ۱۷۱کروڑ رویے آج جموں کشمیر کے تقریباً۵۵ء۸لاکھ مستحق کسانوں کے بینک کھاتوں میں براہ راست منتقل کئے جائیں گے ۔
ان کا کہنا ہے کہ یہ انتہائی ضروری مالی امداد ہمارے کسانوں کو اپنی روزی روٹی بر قرار رکھنے اور زرعی سرگرمیوں کی بحالی کیلئے تیزی سے بہتری لانے میں مدد فراہم کرے گی۔
لیفٹیننٹ گورنر نے ان باتوں کا اظہار منگل کو’ایکس‘پر اپنے پوسٹوں میں کیا۔
سنہا نے کہا’’میں جموںکشمیر کے کسانوں کیلئے پردھان منتری کسان سمان ندھی (پی ایم کسان) اسکیم کی۲۱ویں قسط کی پیشگی واگذاری پر وزیر اعظم نریندر مودی اور مرکزی وزیر برائے زراعت و کسان فلاح و بہبود شیو راج سنگھ چوہان کا شکریہ ادا کرتا ہوں‘‘۔
ان کا کہنا تھا’’تقریباً۱۷۱ کروڑ روپے آج جموں و کشمیر کے تقریباً۵۵ء۸لاکھ مستحق کسانوں کے بینک کھاتوں میں براہ راست منتقل کئے جائیں گے ۔ یہ انتہائی ضروری مالی امداد ہمارے کسانوں کو اپنی روزی روٹی بر قرار رکھنے اور زرعی سرگرمیوں کی بحالی کیلئے تیزی سے بہتری لانے میں مدد فراہم کرے گی‘‘۔
سنہا نے کہا’’ہمارے کسان معیشت کی ریڑھ کی ہڈی ہیں اور دیگر شعبوں میں ترقی کیلئے ایک مضبوط بنیاد فراہم کرتے ہیں‘‘۔
ایل جی نے کہا’’مرکزی حکومت ان دہائیوں کی بد ترین سیلابی صورتحال کے اثرات کو کم کرنے کیلئے ہر ممکن مدد فراہم کرنے کیلئے پرعزم ہے اور متاثرہ آبادی کی زندگیوں میں استحکام یقینی بنانے کیلئے کوشاں ہے ۔‘‘
(ڈی پی آئی آر)
