’ایل او سی کے اُس پار دہشت گرد دراندازی کے منتظر ‘

سرینگر/۲۷ستمبر
ایک سینئر بی ایس ایف افسر نے ہفتہ کو کہا کہ لائن آف کنٹرول (ایل او سی) پر موجود دہشت گرد وادی میں دراندازی کے مواقع کیلئے انتظار کر رہے ہیں، لیکن سکیورٹی فورسز چوکس ہیں اور کسی بھی ممکنہ کوشش کو ناکام بنانے کے لیے تیار ہیں۔
بی ایس ایف کشمیر فرنٹیئر کے انسپکٹر جنرل (آئی جی) اشوک یادو نے صحافیوں سے گفتگو میں کہا کہ موسم سرما کے آغاز سے پہلے دہشت گردوں کی وادی میں دراندازی کی کوششیں ہمیشہ بڑھ جاتی ہیں۔
یادو کاکہنا تھا’’برف باری سے پہلے ہمیشہ دراندازی کی کوششیں ہوتی ہیں۔ ابھی تقریباً دو ماہ باقی ہیں، اور نومبر تک دراندازی کے امکانات موجود ہیں کیونکہ وہ جانتے ہیں کہ اگلے چھ ماہ میں ان کے امکانات کم ہوں گے۔ لہٰذا، وہ ہمیشہ کوشش کرتے ہیں، لیکن فورسز کی چوکسی کی وجہ سے دراندازی بہت مشکل ہے‘‘ ۔
انہوں نے بتایا کہ دہشت گرد ایل او سی کے مقابلہ میں لانچ پیڈز پر مواقع کے انتظار میں ہیں۔
بی ایس ایف افسر نے کہا’’بانڈی پورہ اور کپوارہ سیکٹرز میں ہماری ذمہ داری والے علاقے کے سامنے ایل او سی کے لانچ پیڈز پر دہشت گرد موجود ہیں۔ وہ دراندازی کا موقع تلاش کر رہے ہیں، لیکن سکیورٹی بہت سخت ہے۔ بعض اوقات وہ خراب موسم کا انتظار کرتے ہیں تاکہ حرکت کر سکیں۔ کوششیں ہمیشہ موجود ہیں، لیکن ہم کسی بھی ہنگامی صورتحال کے لیے تیار اور چوکس ہیں‘‘۔
یادو نے کہا کہ آرمی اور بی ایس ایف جدید نگرانی کے آلات کی مدد سے ایل او سی پر مکمل طور پر چوکس ہیں۔
بی ایس افسر نے کہا کہ آرمی کے ساتھ مل کر ہم ایل او سی پر اچھی طرح غالب ہیں۔ سی’’کیورٹی فورسز نے اس سال اب تک دو دراندازی کی کوششوں کو ناکام بنایا ہے۔ ہماری چوکسی اور جدید نگرانی کے آلات کی وجہ سے ہمارے علاقے میں دراندازی بہت مشکل ہے۔ایجنسیز‘‘