چنڈی گڑھ/۶۲ستمبر
فضائیہ نے اپنے جنگی طیاروں کے بیڑے کی شان اور سب سے طاقت ور مگ۱۲جنگی طیارے کو جمعہ کو یہاں جوش و جذبے کے ساتھ فخر یہ طور پر الوداع کہا۔
فضائیہ کی شجاعت کی داستان کے اب تک ہیرو مگ ۱۲کو۲۶سال قبل چنڈی گڑھ ایئر بیس میں ہی۸۲ویں اسکواڈرن میں فضائیہ کے بیڑے میں شامل کیا گیا تھا۔
آج، طیارے نے اسی چنڈی گڑھ ایئر بیس سے اپنی آخری پرواز اور لینڈنگ کی۔ فضائیہ کے سربراہ ایئر چیف مارشل اے پی سنگھ نے ذاتی طور پر مگ۱۲میں اڑان بھری اور اسے آخری سلامی پیش ۔
اس موقع پر وزیر دفاع راج ناتھ سنگھ، چیف آف ڈیفنس اسٹاف جنرل انل چوہان، بحریہ کے سربراہ ایڈمرل دنیش ترپاٹھی، آرمی چیف جنرل اوپیندر دویدی سمیت دیگر معززین اور مگ۱۲کے سابق پائلٹ موجود تھے ۔
اس موقع پر، ملک میں تیار تیجس جنگی طیارے نے مگ۱۲کے ساتھ پرواز کی، علامتی طور پر مگ۱۲طیاروں نے ہندوستانی آسمانوں کی حفاظت کی ذمہ داری تیجس کو سونپ دی۔ دیگر طیاروں نے بھی پرواز کرکے آسمان سے مگ۱۲کو فضا سے سلامی دی۔
اس کے بعد آج پرواز کرنے والے تمام مگ ۱۲طیاروں کو روایتی احترام کے طور پر واٹر کینن سلامی دی گئی۔ اس کے بعد پائلٹس نے روایت کے مطابق کاک پٹ سے باہر نکل کر اپنے طیارے کا معائنہ کیا۔ یہ طیارے اب ہیریٹیج فلائٹ کا حصہ بن جائیں گے ۔
وزیر دفاع راج ناتھ سنگھ اور ایئر چیف مارشل اے پی سنگھ نے سبھی پائلٹس سے ملاقات کی۔
آخر میں مگ۱۲طیاروں کی دیکھ ریکھ کے دستاویزات چیف آف دی ایئر اسٹاف کے حوالے کر دیے گئے ۔فضائیہ کے سربراہ نے وزیر دفاع کو مگ۱۲طیاروں کا یادگاری نشان بھی پیش کیا۔ایجنسیز
