نارکو،ٹیرر کیس :۲کروڑ روپے مالیت کی جائیداد ضبط ‘ جموں میں منشیات فروش گرفتار

سرینگر/۲۰ستمبر
اننت ناگ پولیس نے نارکو،ٹیرر نیٹ ورک کے خلاف بڑی کارروائی کرتے ہوئے ایک ملزم کی۲کروڑ روپے مالیت کی جائیداد ضبط کر لی ہے۔
پولیس بیان کے مطابق ضبط شدہ جائیداد میں ۱۵۰۱مربع فٹ پر قائم دو منزلہ رہائشی مکان شامل ہے ، جو پلاٹ نمبر ۴۹، ایل آئی جی، فیز۲، توی ویہار، سدرا، جموں میں واقع ہے۔ یہ مکان ملزم فردوس احمد بٹ، ولد ولی محمد بٹ ساکن سریگفوارہ کے نام پر درج ہے۔
ترجمان نے کہا کہ یہ ضبطی کارروائی’یو اے پی اے ‘کے تحت درج کیس کے سلسلے میں عمل میں لائی گئی اور یہ غیر قانونی اور غیر ملکی سرگرمیوں میں ملوث افراد کے خلاف جاری کریک ڈا ؤن کا حصہ ہے۔
پولیس نے لوگوں کو یقین دہانی کرائی ہے کہ وہ عوامی تحفظ، امن و امان کی بحالی اور قانون کی حکمرانی کو برقرار رکھنے کے لیے مکمل طور پرعزم ہے۔
اس دوران جموں و کشمیر میں منشیات کے کاروبار کی بیخ کنی کو یقینی بنانے کے لئے جنگ کو تواتر کے ساتھ جاری رکھتے ہوئے جموں پولیس نے ایک اور منشیات فروش کو گرفتار کرکے اس کی تحویل سے ہیروئن جیسا ممنوعہ مواد اور نقدی رقم بر آمد کی ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن گنگیال کی ایک پارٹی نے پرمنڈل موڈ پر ایک ناکہ لگا دیا۔
ترجمان نے کہا کہ اس دوران ایک مشکوک شخص کو روکا گیا جس نے پولیس کو دیکھ کر فرار ہونے کی کوشش کی۔
ان کا کہنا ہے کہ تلاشی کے دوران اس کی تحویل سے تقریباً ۵۰گرام ہیروئن جیسا ممنوعہ مواد،۵۰ہزار روپیے نقدی ، ایک وزن کرنے والی مشین اور ایک موبائل فون بر آمد کیا گیا۔
ملزم کی شناخت شمشیر خان ولد فرید خان ساکن کلیان پور جموں کے طور پر کی گئی ہے ۔
بیان میں کہا گیا کہ اس ضمن میں پولیس اسٹیشن گنگیال میں این ڈی پی ایس ایکٹ کے تحت زیر ایف آئی آر نمبر۲۰۲۵/۱۰۱ایک مقدمہ درج کیا گیا اور ملزم کو گرفتار کیا گیا۔
ترجمان نے کہا کہ اس مقدمے کے سلسلے میں مزید تفتیش جاری ہے تاکہ اس کے پہچھے اور آگے کے روابط کو بے نقاب کیا جا سکے اور اس نیٹ ورک کے دیگر افراد کو گرفتار کیا جا سکے ۔
ان کا کہنا ہے کہ یہ گرفتاری اور بر آمدگی جموں پولیس کے منشیات کے خاتمے کے پختہ عزم کا عکاس ہے ۔ یو این آئی