سنہا اور عمر کی مودی کو مبارکباد: ’ان کی قیادت میں قوم ہر شعبہ میں ترقی کر رہی ہے ‘

سرینگر/۱۷ستمبر
جموں کشمیر کے لیفٹیننٹ گورنر منوج سنہا اور وزیر اعلیٰ‘عمرعبداللہ نے وزیر اعظم نریندر مودی کو ان کے یوم پیدائش پر مبارکباد پیش کی ہے ۔
سنہا نے کہا کہ نریندرمودی کی وژنری قیادت میں قوم ہر میدان میں بے مثال ترقی کر رہی ہے ۔
واضح رہے کہ آج وزیر اعظم نریندر مودی کا یوم پیدائش ہے ۔ آپ۱۷ستمبر ۱۹۵۰پیدا ہوئے ۔
لیفٹیننٹ گورنر نے وزیر اعظم کو ان کے ۷۵ویں یوم پیدائش پر مبارکباد پیش کی۔
انہوں نے ’ایکس‘پر اپنے ایک پوسٹ میں کہا’’میں وزیر اعظم شری نریندر مودی کو ان کے یوم پیدائش پر دلی کی گہرائیوں سے مبارکباد پیش کرتا ہوں‘‘۔
ان کا کہنا تھا’’میں آپ کی طویل اور صحت مند زندگی کے لیے دعا گو ہوں‘‘۔سنہا نے اپنے پوسٹ میں کہا’’آپ کی وژنری قیادت میں قوم ہر میدان میں بے مثال ترقی کر رہی ہے ‘‘۔
ایل جی نے کہا’’لوگوں کی فلاح و بہبود کیلئے وزیر اعظم کی وابستگی اور لگن ہم سب کو متاثر کرتی رہے گی۔‘‘
دریں اثنا اس دوران وزیر اعلیٰ عمر عبداللہ نے وزیر اعظم نریندر مودی کو ان کے۷۵ویں یوم پیدائش پر مبارکباد پیش کی ہے ۔انہوں نے وزیر اعظم کی طویل عمر اور اچھی صحت کے لئے دعا کی۔
وزیر اعلیٰ عمر عبداللہ نے وزیر اعظم کو ان کے یوم پیدائش پر مبارکباد پیش کی۔انہوں نے’ایکس‘پر اپنے ایک پوسٹ میں کہا’’وزیر اعظم نریندر مودی صاحب کو ان کے۷۵ویں یوم پیدائش پر مبارکباد پیش کرتا ہوں‘‘۔
عمر عبداللہ نے وزیر اعظم کی اچھی صحت اور طویل عمر کیلئے دعا کی تاکہ وہ قوم اور اس کے شہریوں کی خدمت جاری رکھ سکیں۔