انگلینڈ نے ورلڈ کپ کے لئے 15 رکنی ٹیم کا اعلان کیا، ہیتر نائٹ شامل

لندن، 21 اگست (یو این آئی): انگلینڈ نے اگلے ماہ شروع ہونے والے خواتین ون ڈے ورلڈ کپ کے لئے نیٹ شیور-برنٹ کی قیادت والی 15 رکنی ٹیم میں ہیتر نائٹ کو شامل کیا ہے۔
مئی میں ویسٹ انڈیز کے خلاف ہوم سیریز کے دوران ہیمسٹرنگ کی انجری کے بعد سے نائٹ کرکٹ نہیں کھیل رہی ہیں، لیکن یہ مانا جا رہا ہے کہ وہ ورلڈ کپ کے لئے وقت پر فٹ ہو جائیں گی۔ اسی کے ساتھ تقریباً سات ماہ سے ٹیم سے باہر رہنے والی ڈینی وائٹ-ہاج کی بھی واپسی ہوئی ہے، جس سے انگلینڈ کی بلے بازی کو مضبوطی ملے گی۔ وائٹ-ہاج نے آخری بار ون ڈے فارمیٹ میں جنوری میں ایشیز کے دوران کھیل کیا تھا۔
سلیکٹرز نے 30 ستمبر سے 2 نومبر تک ہندوستان اور سری لنکا میں ہونے والے ورلڈ کپ کو مدِنظر رکھتے ہوئے ٹیم میں چار اسپنرز کو شامل کیا ہے۔ مایا بوشیئر، ایلس ڈیوڈسن-رچرڈز اور کیٹ کراس کو ورلڈ کپ اسکواڈ میں جگہ نہیں مل پائی۔ ایس ایکلسٹون اسپن اٹیک کی قیادت کریں گی جبکہ بائیں ہاتھ کی اسپنر لنسی اسمتھ، آف اسپنر چارلی ڈین اور لیگ اسپنر سارہ گلین ان کا ساتھ دیں گی۔
تیز گیند بازی کا دارومدار لارین بیل، لارین فائلر اور ایم آرلٹ پر ہوگا۔ نیٹ شیور-برنٹ کے بھی آل راؤنڈر کی اہم ذمہ داری ادا کرنے کی امید ہے۔
ون ڈے ورلڈ کپ کے لیے انگلینڈ کی خواتین کی ٹیم درج ذیل ہے:- ایم آرلوٹ، ٹامی بیومونٹ، لارین بیل، ایلس کیپسی، چارلی ڈین، صوفیہ ڈنکلے، صوفی ایکلسٹون ، لارین فائلر، سارہ گلین، ایمی جونز، ہیدر نائٹ، ایما لیمب،نیٹ شیور برنٹ (کپتان)، لنسی اسمتھ اور ڈینی وائٹ ہوج۔