بڈگام اور کپواڑہ میں تین منشیات فروش گرفتار، نشہ آور مواد برآمد

جموں کشمیر پولیس نے منشیات کے خلاف اپنی مہم کو جاری رکھتے ہوئے بڈگام اور کپواڑہ اضلاع میں تین افراد کو گرفتار کر کے ان کے قبضے سے ممنوعہ نشہ آور مواد برآمد کیا ہے ۔
بیان کے مطابق پولیس پوسٹ سویہ بگ کی ایک ٹیم نے گلوان پورہ کراسنگ پر ایک ناکہ کے دوران ایک مشتبہ شخص کو روکا، جس کی شناخت مزمل احمد خان ولد محمد ایوب خان ساکن بٹھار کے طور پر ہوئی۔ تلاشی کے دوران اس کے قبضے سے ممنوعہ مواد برآمد کیا گیا۔
اسی طرح کپواڑہ میں پولیس اسٹیشن کپواڑہ کی ایک ٹیم نے ریڈیو اسٹیشن بٹیرگام کے نزدیک گشت کے دوران ایک مشتبہ گاڑی (ہنڈائی آئی ٹین اسپورٹس) کو روکا، جس میں دو افراد سوار تھے ۔
ان کی شناخت آفاق محی الدین بٹ ولد غلام محی الدین بٹ اور منیبا بیگم زوجہ مہراج الدین بٹ، ساکنان آلوسہ بانڈی پورہ، کے طور پر کی گئی۔ گاڑی کی تلاشی کے دوران ہیروئن جیسا مادہ برآمد ہوا۔
پولیس نے متعلقہ دفعات کے تحت دونوں معاملات میں مقدمات درج کر کے مزید تحقیقات شروع کر دی ہے۔
ادھرپولیس نے وسطی کشمیر کے ضلع بڈگام کے سویہ بگ علاقے میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس پوسٹ سویہ بگ کی ایک ٹیم نے غلوان پورہ کراسنگ پر ایک ناکہ لگا دیا اور اس دوران ایک مشکوک شخص کو روکا۔انہوں نے کہا کہ تلاشی کے دوران اس کی تحویل سے کچھ منوعہ مواد بر آمد کیا گیا جس کے بعد اس کو موقع پر ہی گرفتار کیا گیا اور ممنوعہ مواد کو ضبط کیا گیا۔
گرفتار شدہ کی شناخت مزمل احمد خان ولد محمد ایوب کان ساکن بٹہ ہر کے طور پر ہوئی ہے ۔
بیان میں کہا گیا کہ اس سلسلے میں پولیس اسٹیشن بڈگام میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئیں۔انہوں نے کہا کہ بڈگام پولیس ضلع سے منشیات کی بیخ کنی کو یقینی بنانے کیلئے پر عزم ہے ۔
پولیس نے عوام سے اپیل کی ہے کہ وہ منشیات کے خلاف جاری مہم میں بھرپور تعاون کریں تاکہ اس سماجی لعنت کا جڑ سے خاتمہ کیا جا سکے