آسٹریلیا اے نے ہندوستان اے کو 114 رنز سے شکست دی

میکے// آسٹریلیا اے ویمنز ٹیم نے آج دوسرے ٹی 20 میچ میں ہندوستان اے کو الیسا ہیلی (73)، ٹالیا ولسن (43) کی شاندار بلے بازی اور کم گارتھ (چار وکٹوں)، ایمی ایڈگر اور ٹیس فلنٹاف (دو وکٹوں) کی شاندار بولنگ کی بنیاد پر 114 رنز سے شکست دے دی۔
188 رنز کے ہدف کے تعاقب میں انڈیا اے ٹیم کی شروعات خراب رہی اور صرف تین رنز پر اس کی دو وکٹیں گر گئیں۔ اوما چھتری (صفر) اور شیفالی ورما (تین) رنز بنا کر آؤٹ ہوئیں۔ ہندوستان اے کے بلے باز آسٹریلوی گیند بازوں کے حملے کے سامنے زیادہ دیر نہ چل سکے اور پوری ٹیم 15.1 اوور میں 73 کے اسکور پر ڈھیر ہو گئی۔ انڈیا اے کی جانب سے دنیش ورندا نے 21 اور منو مانی نے 20 رنز بنائے۔ باقی بلے باز ڈبل فیگر تک بھی نہ پہنچ سکے۔ آسٹریلیا اے کے لیے کم گارتھ نے تین اوورز میں سات رنز دے کر چار وکٹیں حاصل کیں۔ ایمی ایڈگر اور ٹیس فلنٹوف نے دو دو وکٹیں حاصل کیں۔ لوسی ہیملٹن اور سینا جنجر نے ایک ایک بلے باز کو آؤٹ کیا۔
اس سے پہلے آج انڈیا اے خواتین کی ٹیم نے ٹاس جیت کر پہلے گیند بازی کرنے کا فیصلہ کیا۔ آسٹریلیا کی اوپننگ جوڑی ٹالیا ولسن اور الیسا ہیلی نے اچھی شروعات کی اور پہلی وکٹ کے لیے 95 رنز جوڑے۔ 11ویں اوور میں رادھا یادو نے تالیا ولسن کو آؤٹ کر کے اس شراکت داری کو توڑا۔
ٹالیا ولسن نے 35 گیندوں میں چھ چوکوں کی مدد سے 43 رنز بنائے۔ اس کے بعد رادھا یادو نے 15ویں اوور میں ایلیسا ہیلی کو بھی اپنا شکار بنایا۔ ایلیسا ہیلی نے 44 گیندوں پر 12 چوکوں کی مدد سے 70 رنز کی اننگز کھیلی۔ انیکا لیروئیڈ نے 21 گیندوں پر 35 رنز بنائے۔ کپتان نکول فولتھم (آٹھ) رن آؤٹ ہوئے۔ آسٹریلیا اے ٹیم نے مقررہ 20 اوورز میں چار وکٹوں پر 187 رنز بنائے۔
انڈیا اے ویمنز ٹیم کے لیے رادھا یادو نے دو وکٹ لیے۔ پریما راوت نے ایک بلے باز کو آؤٹ کیا۔