سرینگر//
جنوبی کشمیر کے ضلع کولگام کے اکھال دیوسر کے جنگلاتی علاقے میں انسداد ملی ٹنسی آپریشن جمعرات کو مسلسل ساتویں روز بھی جاری ہے اور اس دوران طرفین کے درمیان رات بھر رک رک شدید فائرنگ کا تبادلہ جاری رہا۔
ادھر فوج کی شمالی کمان کے سربراہ لیفٹیننٹ جنرل پراتیک شرما نے جمعرات کو جنوبی کشمیر میں انسداد دہشت گردی گرڈ کا جائزہ لیا۔
ذرائع کے مطابق فوج، سی آر پی ایف اور جموں و کشمیر پولیس کی مشترکہ ٹیمیں علاقے میں سرچ اینڈ کارڈن آپریشن کو انتہائی منظم انداز میں انجام دے رہی ہیں، تاکہ چھپے ہوئے دہشت گردوں کو غیر مسلح کیا جا سکے ۔
یہ انکاؤنٹر یکم اگست کو اس وقت شروع ہوا تھا جب سیکیورٹی فورسز کو خفیہ اطلاع ملی تھی کہ اکھال کے جنگلاتی علاقے میں کئی دہشت گرد چھپے ہوئے ہیں۔ اطلاع کے بعد علاقے کا محاصرے میں لے کر وسیع پیمانے پر تلاشی آپریشن شروع کر دیا گیا تھا اور اس دوران وہاں چھپے دہشت گردوں نے فائرنگ کی تھی۔
حکام کے مطابق اس تصادم آرائی میں اب تک دو دہشت گرد مارے گئے ہیں جن میں سے ایک مقامی بتایا جاتا ہے جبکہ سیکورٹی فورسز کے چار جوان زخمی ہوئے ہیں۔انہوں نے کہا کہ فورسز نے جدید آلات اور ڈرونز کی مدد سے علاقے کی نگرانی تیز کر دی ہے تاہم جنگلاتی زمین اور پر خطر پہاڑی راستوں پر مشتمل دشوار گزار جغرافیہ کی وجہ سے رکاوٹیں پیش آئیں جس کے باعث فورسز کو احتیاط کے ساتھ کارروائی جاری رکھنی پڑ رہی ہے ۔
ان کا کہنا ہے ’’چونکہ انکاؤنٹر انتہائی حساس اور پیچیدہ مرحلے میں داخل ہو چکا ہے ، اس لیے جلد بازی کے بجائے حکمت عملی کے ساتھ آپریشن کو انجام دیا جا رہا ہے اور جنگل میں محصور دہشت گردوں کو مار گرانے کے لیے فورسز کی متعدد یونٹس، جن میں آرمی، سی آر پی ایف اور جموں و کشمیر پولیس شامل ہیں، سرگرم عمل ہیں‘‘۔
سیکورٹی عہدیداروں کا کہنا ہے کہ دشوار گذار علاقہ ہونے کے باعث یہ آپریشن مزید کچھ دن جاری رہ سکتا ہے ۔ایک سینئر پولیس افسر نے بتایا’’سیکورٹی فورسز انتہائی احتیاط سے کام لے رہے ہیں تاکہ کوئی جانی نقصان بھی نہ پہنچے اور دہشت گردوں کو فرار ہونے کا موقع بھی نہ مل سکے ‘۔انہوں نے کہا کہ محاصرے کو مزید سنگین و سخت کرنے کے لئے سیکورٹی فورسز کی اضافی کمک کو تعینات کیا گیا ہے ۔
دریں اثنا اس طویل آپریشن کے بیچ فوج کی شمالی کمان کے سربراہ لیفٹیننٹ جنرل پراتیک شرما نے جمعرات کو جنوبی کشمیر میں انسداد دہشت گردی گرڈ کا جائزہ لیا۔اس دوران انہیں سیکورٹی صورتحال، آپریشنل تیاریوں اور جاری آپریشنز کے متعلق بریفنگ دی گئی۔
اس دوران فوج کی شمالی کمان کے سربراہ لیفٹیننٹ جنرل پراتیک شرما نے جمعرات کی صبح جنوبی کشمیر میں انسداد دہشت گردی گرڈ کا جائرہ لیا جہاں انہیں سیکورٹی صورتحال، آپریشنل تیاریوں اور جاری آپریشنز کے بارے میں بریفنگ دی گئی۔
اس دوران انہوں نے خطے میں امن اور سلامتی کو یقینی بنانے میں فوج کے پختہ عزم کو قابل بنانے کیلئے ان کی ثابت قدمی اور لچک کے لیے تمام رینکز کی سراہنا کی۔یہ جانکاری فوج کی شمالی کمان نے’ایکس‘پر ایک پوسٹ کے ذریعے فراہم کی۔
پوسٹ میں کہا گیا’’فوج کی شمالی کمان کے سربراہ لیفٹیننٹ جنرل پراتیک شرما نے جنوبی کشمیر میں انسداد دہشت گردی گرڈ کا جائزہ لیا، جہاں انہیں سیکورٹی صورتحال، آپریشنل تیاریوں اور جاری آپریشنز کے بارے میں بریفنگ دی گئی‘‘۔
پوسٹ میں مزید کہا گیا’’انہوں نے خطے میں امن اور سلامتی کو یقینی بنانے میں فوج کے پختہ عزم کو قابل بنانے کے لیے ان کی ثابت قدمی اور لچک کے لیے تمام رینکز کی سراہنا کی‘‘۔
قابل ذکر ہے کہ فوجی سربراہ کا یہ دورہ اس وقت ہوا ہے جب جنوبی کشمیر کے ضلع کولگام کے اکھال دیوسر کے جنگلاتی علاقے میں سیکورٹی فورسز اور دہشت گردوں کے درمیان یکم اگست سے جھڑپ چل رہی ہے ۔
