منشیات سماج کو کھوکھلا کرتی ہے : سنہا

سرینگر/۲۶جون
جموں کشمیر کے لیفٹیننٹ گورنر منوج سنہا نے منشیات سے پاک معاشرے کی تعمیر کیلئے لوگوں کو متحد ہونے کی تاکید کرتے ہوئے کہا کہ منشیات سے نہ صرف انسانی جانوں کا زیاں ہوتا ہے بلکہ یہ وبا ہمارے سماجی تانے بانے کو بھی کمزور کرتی ہے ۔انہوں نے کہا کہ ہمیں مل کر اس وبا کو جڑ سے اکھاڑنے کی کوششوں کو مضبوط کرنا چاہئے ۔
لیفٹیننٹ گورنر نے ان باتوں کا اظہار جمعرات کو منشیات کی لعنت اور اس کی غیر قانونی اسمگلنگ کے خلاف عالمی دن کے موقع پر’ایکس‘پر اپنے ایک پوسٹ میں کیا۔
سنہا نے کہا’’منشیات کے استعمال سے نہ صرف زندگیاں ضائع ہوجاتی ہیں بلکہ یہ ہمارے سماجی تانے بانے کو بھی کمزور کر دیتا ہے‘‘۔
ایل جی کا کہنا تھا’’منشیات کے استعمال اور غیر قانونی اسمگلنگ کے خلاف عالمی دن پر‘آئیے منشیات کی لعنت سے نمٹنے کے اپنے عزم کا اعادہ کریں‘‘۔انہوں نے کہا’’میں سب سے درخواست کرتا ہوں کہ وہ منشیات سے پاک معاشرے کی تعمیر کیلئے ہاتھ بٹائیں، بیداری عام کریں اور اس برائی کے خاتمے کیلئے کوششوں کو مضبوط کریں‘‘۔
قابل ذکر ہے کہ منشیات کی لعنت اور غیر قانونی اسمگلنگ کے خلاف عالمی دن ہر سال۲۶جون کو منایا جاتا ہے ۔ یہ دن منشیات کے استعمال کو ختم کرنے اور اس کی غیر قانونی اسمگلنگ کی روک تھام کو یقینی بنانے کیلئے وقف ہے ۔
اس دوران جموں وکشمیر کے وزیر اعلیٰ عمر عبداللہ نے منشیات کے خلاف جنگ کے لئے یک جٹ ہونے پر زور دیتے ہوئے کہا ہے کہ ہمارے نوجوان مواقع کے مستحق ہیں، نشے کی لت میں پڑنے کے نہیں۔
عمرعبداللہ نے کہا’’اس سلسلے میں میری حکومت مضبوط بحالی، بیداری اور نفاذ کے لیے پرعزم ہے ‘‘۔
وزیر اعلیٰ نے ان باتوں کا اظہار جمعرات کو منشیات کی لعنت اور اس کی غیر قانونی اسمگلنگ کے خلاف عالمی دن کے موقع پر ’ایکس‘پر اپنے ایک پوسٹ میں کیا۔
عمرعبداللہ نے کہا’’آج‘منشیات کے استعمال کے خلاف عالمی دن پر، ہم منشیات سے پاک جموںکشمیر کے لیے متحد ہیں‘‘۔
ان کا کہنا تھا’’ہمارے نوجوان مواقع کے مستحق ہیں، نشے کی لت میں پڑنے کے نہیں‘‘۔
عمر عبداللہ نے مزید کہا’’میری حکومت مضبوط بحالی، بیداری اور نفاذ کے لیے پرعزم ہے ‘‘۔انہوں نے کہا’’آئیے اپنے مستقبل کو مل کر محفوظ رکھیں‘‘۔
قابل ذکر ہے کہ منشیات کی لعنت اور غیر قانونی اسمگلنگ کے خلاف عالمی دن ہر سال۲۶جون کو منایا جاتا ہے ۔ یہ دن منشیات کے استعمال کو ختم کرنے اور اس کی غیر قانونی اسمگلنگ کی روک تھام کو یقینی بنانے کے لئے وقف ہے