عمر عبداللہ وندے بھارت ٹرین سے کٹرا رپہنچ گئے

کٹرا//
جموں کشمیر کے وزیر اعلیٰ عمر عبداللہ اور ان کے والد، ڈاکٹر فاروق عبداللہ، نے جمعرات کو حال ہی میں شروع کی گئی وندے بھارت ٹرین پر سری نگر سے کٹراکا سفر کیا ۔
کٹرا میں نیشنل کانفرنس کے رہنماوں اور کارکنوں نے ان کا استقبال کیا۔
عمر‘ این سی کے صدر‘ڈاکٹر فاروق عبداللہ اور اپنے مشیر ناصر اسلام وانی کے ساتھ تھے، آج صبح کٹرا ریلوے اسٹیشن پہنچیں۔۱۰ جون کو، فاروق عبداللہ نے پہلی بار ٹرین کے ذریعے سری نگر سے کٹرا کا سفر کیا اور کہا کہ وہ دیکھ کر حیران ہیں کہ کشمیر آخر کار ملک کے ریلوے نیٹ ورک سے جڑ رہا ہے۔
وزیر اعظم نریندر مودی نے۶جون کو جموں و کشمیر کے اپنے دورے کے دوران، سری ماتا ویشنو دیوی کٹرا،سری نگر وندے بھارت ایکسپریس کی افتتاح کیا، جبکہ وہ سری ماتا ویشنو دیوی کٹرہ اسٹیشن گئے تھے۔
۷جون سے باقاعدہ شروع ہونے والی یہ سروس مقامی لوگوں، سیاحوں اور یاتریوں میں کافی مقبول ہے ۔ دو نیم تیز رفتار ٹرینیں کشمیر کو براستہ بانہال کٹرا قصبے کے ساتھ جوڑتی ہیں جو ہفتے میں۶دن چلتی ہیں جبکہ بدھ کے روز بند رہتی ہیں۔
عمر عبداللہ نے ٹرین کے افتتاح کے موقع پر اپنے خطاب میں اس سروس کو ایک تاریخی سنگ میل قرار دیا تھا۔