جموں کشمیر میں کورونا وائرس کے ۳۸ نئے مثبت معاملات درج

سرینگر//
جموں کشمیر میں گزشتہ ۲۴ گھنٹوں کے دوران کورونا وائرس کے۳۸نئے معاملات سامنے آئے ہیں۔
ایک سرکاری بیان میں کہا گیا ہے کہ مجموعی ۳۸ مثبت معاملات میں سے ۱۳کاکشمیر اور ۲۵ کا تعلق جموں صوبہ سے ہے۔اِس طرح مثبت معاملات کی کل تعداد۴لاکھ۵۴ہزار۶۳۲تک پہنچ گئی ہے‘ جن میں سے۲۲۰(صوبہ جموں میں۱۴۱؍اور کشمیر صوبے میں۷۹)سر گرم معاملات ہیں۔اَب تک۴لاکھ۴۹ہزار۶۴۸؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع گاندربل میں ایک،ضلع کپواڑہ میں ۳،ضلع بڈگام میں ۲؍اورضلع سرینگر میں۷ نئے معاملے درج کئے گئے ہیں۔بارہمولہ ، بانڈی پور ہ،پلوامہ،اسلام آباد‘ کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع کٹھوعہ میں ا یک، ضلع سانبہ میں ۳؍اورضلع جموںمیں۲۱نئے مثبت معاملے سامنے آئے ہیں۔ اودھمپور ،راجوری ، ڈوڈہ ، کشتواڑ ،رِیاسی ، پونچھ اوررام بن اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں کے دوران دونوں صوبوں میں کورونا وائر س سے کوئی بئی موت درج نہیں ہو ئی ہے ۔جموں کشمیر میں کوروناوائرس سے مرنے والوں کی مجموعی تعداد۴۷۵۵تک پہنچ گئی‘جن میں سے۲۴۲۵کا تعلق کشمیر صوبہ سے اور۲۳۳۰کاتعلق جموں صوبہ سے ہے۔
اِسی دوران آج مزید۲۷؍اَفراد شفایاب ہوئے ہیںجن میں۱۲صوبہ کشمیر اور۱۵ کا تعلق جموں صوبہ سے ہے۔