بدھل اموات : بہت جلد سب کچھ سامنے آئے گا :ایتو

جموں//
وزیر صحت سکینہ ایتو نے منگل کے روز کہاکہ بڈھال راجوری میں پرا سرار اموات کی تحقیقات جاری ہے ۔
انہوں نے کہاکہ بہت جلد سب کچھ سامنے آئے گا۔
ان باتوں کا اظہار وزیر نے جموں میں نامہ نگاروں سے بات چیت کے دوران کیا۔
ایتو نے کہاکہ جہاں تک راجوری کے بڈھال علاقے میں پر اسرار اموت کا تعلق ہے تو تحقیقات بڑے پیمانے پر جاری ہے ۔انہوں نے کہاکہ ۱۷لوگوں کی موت وائرس یا بیماری سے نہیں ہوئی ہے ۔
وزیر صحت کے مطابق ٹیسٹنگ کے دوران اس بات کی تصدیق ہوئی ہے کہ یہ کوئی وائرس یا بیماری نہیں ہے ۔
ان کے مطابق ۱۷؍افراد کی موت کیسے واقع ہوئی اس حوالے سے تحقیقات جاری ہے اور بہت جلد سب کچھ سامنے آئے گا۔
ایتو نے مزید بتایا کہ فی الحال اموات کا سلسلہ تھم گیا ہے جو اچھی بات ہے ۔