کورپشن کیخلاف لڑنا سماج کے ہر فرد کی ذمہ داری:پاٹھک

سرینگر///
اینٹی کورپشن بیورو (اے سی بی) کے ڈائریکٹر شکتی پاٹھک کا کہنا ہے کہ کوریشن کی بیخ کنی کو یقینی بنانا سماج کے ہر فرد کی ذمہ داری ہے ۔
پاٹھک نے کہا کہ کوریشن کیسوں کے سلسلے میں جتنی زیادہ شکایتیں آتی ہیں اتنی زیادہ تحقیقات کی جاتی ہیں۔
اے سی بی ڈائریکٹر نے ان باتوں کا اظہار پیر کو یہاں ایک تقریب کے حاشیہ پر نامہ نگاروں کے ساتھ بات کرنے کے دوران کیا۔
پاٹھک نے کہا’’یوں تو یہ پروگرام۱۶؍اگست سے شروع ہوا ہے اور۱۵نومبر کو اختتام پذیر ہوگا لیکن اس ہفتے کو خصوصی طور پر ویجی لنس ہفتہ کے طور رکھا گیا ہے جس کی تھیم ’دی کلچر آف انٹگرٹی‘ رکھی گئی ہے ‘‘۔
اے سی بی ڈائریکٹر کا کہنا تھا’’اس ہفتے کے دوران مختلف محکموں کو کور کیا جائے گا اور آج لوکل اربن باڈیز کے افسروں اور اہلکاروں اور انہیں جنہیں شکایات ہیں، کو دعوت دی گئی ہے‘‘۔
پاٹھک نے کہا’’ہم ان کو ویجی لنس کی طرف سے دی جانے والی مدد کے متعلق جانکاری فراہم کریں گے ‘‘۔انہوں نے کہا’’کورپشن کے خلاف لڑنا صرف اے سی بی کی ہی نہیں بلکہ سماج کے ہرفرد کی ذمہ داری ہے ‘‘۔
ان کا کہنا تھا کہ کوریشن کیسوں کے سلسلے میں جتنی زیادہ شکایتیں آتی ہیں اتنی زیادہ تحقیقات کی جاتی ہے۔