بالائی علاقوں میں برفباری‘میدانی حصوں میں بارشوں کا امکان

سرینگر//
محکمہ موسمیات نے وادی کشمیر کے بالائی علاقوں میں ہلکی برف باری جبکہ میدانی علاقوں میں ہلکی سے درمیانی درجے کی بارشوں کی پیش گوئی کی ہے ۔
محکمے نے اپنی ایڈوائزری میں کسانوں سے اپنے کھیت کھلیانوں میں آپریشنز جاری رکھنے کو کہا ہے کہ جبکہ سیاحوں کو مشورہ دیا گیا ہے کہ وہ۲۴؍اور۲۵؍اکتوبر کو خاص کر بالائی علاقوں اور اہم گذر گاہوں پر موسم کے مطابق منصوبہ بندی کریں۔
موسمیات محکمے کے ایک ترجمان نے بتایا کہ وادی میں۱۶؍اور۱۷؍اکتوبرکو مختصر مرحلے کی بارشوں کا امکان ہے ۔انہوں نے کہا کہ ۱۶؍اکتوبر کی شام سے۱۷؍اکتوبر کی صبح تک کپوارہ، بانڈی پورہ اور گاندربل اضلاع کے بالائی علاقوں میں کہیں کہیں ہلکی برف باری یا ہلکی بارشیں متوقع ہیں۔
ان کا کہنا ہے کہ وادی میں۱۸؍اور۱۹؍اکتوبر کو موسم مجموعی طور پر ابر آلود رہ سکتا ہے جبکہ بعد میں۲۰سے۲۲ اکتوبر تک موسم مجموعی طور پر خشک رہنے کا امکان ہے ۔
ترجمان نے کہا کہ بعد ازاں وادی میں۲۳سے ۲۵؍اکتوبر تک میدانی علاقوں میں ہلکی سے درمیانی درجے کی بارشیں جبکہ بالائی علاقوں میں ہلکی برف باری متوقع ہے ۔
محکمے نے اپنی ایڈوائزری میں کسانوں سے اپنے کھیت کھلیانوں میں آپریشنز جاری رکھنے کو کہا ہے ۔انہوں نے سیاحوں سے کہا ہے کہ وہ۲۴؍اور۲۵؍اکتوبر کو خاص کر بالائی علاقوں اور اہم گذر گاہوں پر موسم کے مطابق منصوبہ بندی کریں۔