۱۱منشیات فروش گرفتار، ممنوع نشیلی اشیاء ضبط :پولیس

سرینگر//
جموں وکشمیر پولیس نے جمعرات کو گیارہ منشیات فروشوں کو گرفتار کر کے ان قبضے سے ممنوع نشیلی اشیائبرآمد کرکے ضبط کی ہے ۔
پولیس کے ایک ترجمان نے بتایا کہ جنوبی ضلع کولگام میں پولیس نے مختلف مقامات پر ناکہ چیکنگ کے دوران چھ منشیات فروشوں کی گرفتاری عمل میں لائی۔
گرفتار شدگان کی شناخت اعجاز احمد ماگرے ، ساکن چیک بڈونی، عاقب احمد شیخ ساکن ژیر ہامہ ، کشمیر سنگھ ساکن جنگلی گلی ادھمپور ، مبارک احمد راتھر ساکن عشہ موجی، مشتاق احمد ساکن بھان کولگام اور وکیل احمد وگے ساکن ریڈونی بالا کے بطور کی ہے ۔
پولیس ترجمان کے مطابق گرفتار شدگان کے قبضے سے۷ء۱۰کلو فکی اور۱۱۰گرام چرس برآمد کیا گیا اور اس دوران ٹرک اور آٹو کو بھی تحویل میں لے لیا گیا ۔
بارہمولہ پولیس نے آئی ٹی آئی پٹن کے نزدیک ناکہ لگایا جس دوران ایک ایکو گاڑی کو روک کر اس سے۹ء۲۱کلو گرام ممنوع نشیلی اشیاء برآمد کی گئی۔ پولیس نے ڈرائیور فاضل فاروق ولد فاروق احمد میر ساکن عادی پورہ سوپور کو موقع پر ہی گرفتار کیا۔
ہندواڑہ پولیس نے ٹی چوک ماگام میں ایک گاڑی میں سوار دو افراد جن کی شناخت جاوید احمد میر ولد علی محمد میر ساکن دردسن کرالہ پورہ کپواڑہ اور الطاف احمد خان ساکن درد پورہ کپواڑہ کی جامہ تلاشی لی جس دوران ان کے قبضے سے ہیروئن جیسی نشیلی اشیائبرآمد کی گئی۔
سوپور پولیس نے بون آستان تجر شریف میں مشتبہ نوجوان امتیاز احمد نجارساکن تجر شریف سوپور کو دھر دبوچ کر اس کے قبضے سے۲۱۰گرام چرس جیسی نشیلی اشیاء برآمد کی ۔
بڈگام پولیس نے کرالہ پورہ پیر کالونی چاڈورہ کے نزدیک مشتبہ شخص جس کی شناخت عادل احمد خان ولد طاریق احمد خان ساکن گوپال پورہ کرالہ پورہ کو روک کر اس کے قبضے سے تیس گرام چرس برآمد کی ہے ۔
پولیس نے متعلقہ تھانوں میں اس ضمن میں کیس درج کرکے تحقیقات شروع کی ہے ۔
پولیس نے عوام الناس سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں۔
پولیس کا کہنا ہے کہ منشیات فروشی سماج کے لئے ناسور بن چکی ہے لہذا اس کا قلع قمع کرنے کی خاطر ہر ایک کو اپنا دست تعاون فراہم کرنا چاہئے ۔