رام بن میں بادل پھٹنے کا واقعہ، خاتون اور دو بچے لاپتہ

جموں//
جموں کشمیر کے رام بن ضلع کے راج گڑھ علاقے میں پیر کی سہ پہر بادل پھٹنے کی وجہ سے علاقے میں سیلابی صورتحال پیدا ہوئی۔
معلوم ہوا ہے کہ خاتون اور دو بچوں کو پانی کے تیز بہاو نے بہا کر لیا جن کی بڑے پیمانے پر تلاش شروع کی گئی ہے ۔
اطلاعات کے مطابق رام بن ضلع کے راج گڑھ علاقے میں پیر کی سہ پہر موسم نے کروٹ لی جس کے ساتھ ہی تیز بارشوں کے بیچ بادل پھٹنے کی وجہ سے سیلابی صورتحال پیدا ہوئی۔
مقامی ذرائع نے بتایا کہ بادل پھٹنے کے بعد ماں اور اس کے دو بچے لاپتہ ہو گئے ہیں۔
دریں اثنا ضلعی انتظامیہ نے ایکس پر جانکاری فراہم کرتے ہوئے بتایا کہ رام بن کے پنچایت دھرمان اور ہالہ میں بادل پھٹنے کا واقع رونما ہوا ہے ۔ انہوں نے کہاکہ ریسکیو ٹیموں کو علاقے کی اور روانہ کیا گیا ہے ۔اس سلسلے میں مزید تفصیلات کا انتظار ہے ۔