کمبائینڈ سول سروسز کے حتمی نتائج کا اعلان‘شروتی شرما سر فہرست

سرینگر//
یو پی ایس سی امتحان۲۰۲۱ کے نتائج کا اعلان کیا گیا ہے جس میں شروتی شرما، انکیتا اگروال اور گامنی سنگلا نے بالترتیب پہلا، دوسرا اور تیسرا مقام حاصل کیا ہے۔
امتحان میں منتخب ہونے والے امیدواروں کی مزید تفصیلات بتائے بغیر، اس نے کہا کہ ۶۸۵؍ امیدواروں نے باوقار امتحان میں کوالیفائی کیا ہے۔
کمیشن نے کہا کہ کامیاب امیدواروں میں سے ۲۴۴ عام زمرے سے ہیں‘۷۳ معاشی طور پر کمزور طبقوں سے‘۲۰۳ دیگر پسماندہ طبقات کے‘۱۰۵ درج فہرست ذات اور۶۰ درج فہرست قبائل سے ہیں۔
سول سروسز کا امتحان ہر سال یو پی ایس سی کے ذریعہ تین مراحل میں لیا جاتا
‘ ابتدائی‘مینز اور انٹرویو تاکہ امیدواروں کو انڈین ایڈمنسٹریٹو سروس (آئی اے ایس)‘ انڈین فارن سروس (آ ایف ایس) اور انڈین پولیس سروس (آئی پی ایس) کے افسران کو منتخب کیا جا سکے۔
اس میں کہا گیا کہ امتحان کا تحریری یا اہم حصہ جنوری ۲۰۲۲میں منعقد ہوا تھا، اور انٹرویو اس سال اپریل اور مئی میں منعقد کیے گئے تھے۔۸۰؍ امیدواروں کے کاغذات نامزدگی عارضی ہیں جبکہ ایک امیدوار کا نتیجہ روکا گیا ہے۔
اس میں کہا گیا کہ ٹاپ تین رینک ہولڈرز کے علاوہ ایشوریہ ورما نے چوتھا مقام حاصل کیا اور اتکرش دویدی نے پانچواں مقام حاصل کیا۔
اس دوران جموں کشمیر کے لیفٹیننٹ گورنر منوج سنہا نے پیر کے روز سول سروسز کے امتحان میں جموں و کشمیر کے تمام امیدواروں کو مبارکباد دی جنہوں نے اس قومی مسابقتی امتحان کی حتمی فہرست میں جگہ بنائی۔
ایل جی نے ایک ٹویٹ کہا’’جموں کشمیر کے تمام امیدواروں کو دل کی گہرائیوں سے مبارکباد جنہوں نے کمبائینڈ سروسز امتحان۲۰۲۱ کی فائنل لسٹ میں جگہ بنائی۔ آپ کی کامیابی جموں کشمیر کے بہت سے نوجوانوں کو سول سروسز کوالیفائی کرنے کی ترغیب دے گی۔ تمام منتخب امیدواروں کیلئے میری نیک خواہشات۔ عوامی خدمت میں ایک روشن اور چیلنجنگ کیریئر آپ کا منتظر ہے‘‘۔