پونچھ:ریچھ کے حملے میں مقامی شہری زخمی

جموں//
جموںکشمیر کے ضلع پونچھ کے تحصیل منڈی کے لورن علاقے میں ریچھ کے حملے میں ایک مقامی شہری شدید طورپر زخمی ہوا ہے ۔
اطلاعات کے مطابق منگل کے روز منڈی کے لورن علاقے میں اس وقت سنسنی کا ماحول پھیل گیا جب ریچھ نے کھیت میں کا م کر رہے کسان پر حملہ کیا۔
معلوم ہوا ہے کہ چیخ و پکار کی صدائیں بلند ہونے کے ساتھ ہی مقامی لوگ جائے موقع پر پہنچے اور زخمی شخص کو علاج ومعالجہ کی خاطر نزدیکی ہسپتال منتقل کیا ۔
حکام نے شہری کی شناخت بشیر احمد کے بطور کی ہے ۔