نئی دہلی// وزیر اعظم نریندر مودی اس ماہ یوکرین کا دورہ کرنے کی تیاری کر رہے ہیں، جہاں ان کی روس-یوکرین جنگ بندی کے سلسلے میں صدر ولادیمیر زیلنسکی سے اہم بات چیت ہونے کا امکان ہے ۔
ذرائع نے بتایا کہ وزارت خارجہ نے مسٹر مودی کے یوکرین دورے کی تیاریاں شروع کر دی ہیں۔ تاہم انہوں نے اس کی تاریخ کے بارے میں کچھ نہیں بتایا۔ مانا جا رہا ہے کہ مسٹر مودی یوم آزادی کے بعد کیف جا سکتے ہیں۔
واضح رہے کہ مسٹر مودی نے گزشتہ ماہ روس کا دورہ کیا تھا جس پر مسٹر زیلنسکی نے سخت تنقید کی تھی، جب کہ ہندوستان نے روس کے ساتھ اپنے پرانے تعلقات کا حوالہ دیتے ہوئے اس فیصلے کو ‘اسٹریٹجک خود مختاری’ قرار دیا تھا۔
