نائیڈو، لوکیش نے آندھرا پردیش کو فنڈز مختص کرنے پر وزیر خزانہ سے اظہار تشکر کیا

وجے واڑہ// آندھرا پردیش کے وزیر اعلیٰ این چندرابابو نائیڈو اور آئی ٹی اور انسانی وسائل کی ترقی کے وزیر نارا لوکیش نے منگل کو وزیر خزانہ نرملا سیتا رمن کے ذریعہ پارلیمنٹ میں پیش کئے گئے مرکزی بجٹ کا خیرمقدم کیا اور ریاست کو فنڈز مختص کرنے پر ان کا شکریہ ادا کیا۔
مسٹر نائیڈو نے سوشل میڈیا پر لکھاکہ ‘‘مالی سال 24-25 کے مرکزی بجٹ میں ہماری ریاست کی ضرورت کو سمجھنے اور دارالحکومت پولاورم، صنعتی نوڈس اور آندھرا پردیش کے پسماندہ علاقوں کی ترقی پر توجہ دینے کے لیے آپ کا شکریہ،’’ مسٹر نائیڈو نے سوشل میڈیا پر لکھاکہ مرکز کی طرف سے یہ تعاون آندھرا پردیش کی تعمیر نو میں بہت آگے جائے گا۔ میں آپ کو اس ترقی پسند اور اعتماد سے بھرپور بجٹ پیش کرنے کے لیے مبارکباد پیش کرتا ہوں۔’’
مسٹر لوکیش نے کہاکہ ‘‘یہ آندھرا پردیش کے لیے ایک نیا دن طلوع ہوا ہے اور آندھرا پردیش کو اس کی ترقی اور سماجی مقاصد کے حصول میں مدد کرنے میں بہت آگے جائے گا۔ آندھرا پردیش کے لوگوں کے لیے یہ بڑے فخر کی بات ہے کہ ہماری جدوجہد کو تسلیم کیا گیا ہے اور صنعتی ترقی، انفراسٹرکچر، آبپاشی اور انسانی وسائل کی ترقی جیسے تمام اہم شعبوں کا احاطہ کرتے ہوئے ایک خصوصی اور جامع پیکیج فراہم کیا گیا ہے ۔ میں امراوتی اور پولاورم کے لیے دی گئی فراخدلی شراکت کا خاص ذکر کرنا چاہوں گا۔ آج کا دن نئی ریاست کی تاریخ میں ایک اہم دن کے طور پر منایا جائے گا۔ یہ ہمارے خوابوں کی تعبیر کی تعمیر کی طرف ایک ساتھ آگے بڑھنے کی طرف پہلا قدم ہے ۔