لوگ پانی کا غلط استعمال کرنے سے گریز کریں :محکمہ جل شکتی

سرینگر//
محکمہ جل شکتی نے عوام الناس سے اپیل کی ہے کہ وہ پینے کے پانی کا مناسب استعمال کریں اور لان‘ باغات‘گاڑیوں کو دھونے وغیرہ میں استعمال کرکے پانی کے ضیاع اور غلط استعمال سے بچیں۔
محکمہ نے ایک بیان میں کہا کہ وادی کشمیر میں درجہ حرارت میں اضافے کی وجہ سے پانی کی فراہمی کی کھپت میں کافی اضافہ ہوا ہے ، جس کے نتیجے میں سرینگر شہر کے کچھ حصوں میں خاص طور پر آخری علاقوں میں پانی کی فراہمی میں کمی واقع ہوئی ہے۔
بیان میں کہا گیاہے کہ براہ راست آن لائن بوسٹرز استعمال کرنے والے صارفین سے بھی اپیل کی جاتی ہے کہ وہ اپنے متعلقہ علاقوں میں پانی کی فراہمی کی منصفانہ تقسیم کے لئے اس عمل کو فوری طور پر بند کردیں۔ یہ جموں و کشمیر واٹر ریسورس ریگولیشن اینڈ مینجمنٹ ایکٹ ۲۰۱۰ کے تحت ایک جرم ہے اور محکمہ ایسے تمام مجرموں کے خلاف کارروائی کرنے کے لئے مجبور ہوگا۔
دریں اثناء پانی کی فراہمی میں کمی کے حوالے سے کسی بھی شکایت یا شکایت کیلئے عوام الناس سے درخواست کی گئی ہے کہ وہ پی ایچ ای کے صوبائی کنٹرول روم سے رابطہ کریں جو عوام کی خدمت کے لئے چوبیس گھنٹے فعال رہتا ہے۔